Zápisy z roku 1499. 523 lichen vereiniget hat, also das es von dem selbigen königreich vnd der cron zu Behmen nicht solle abgeglidert, entpfremdet, gescheiden oder yemants vorliehen, befolhen, vorsatzt, verkawft oder verwechselt werden; demnach dieweil wir dise widerstattung vor genugsam vnd vber- flussig erkennen, vnd vff das die burger der egenanten vnser stat Görlitz die vorberürten heyden vor solicher vnmessigen abehawhung des bawholczes vnd schedlichen brenden, als sich mit irem grossem schaden bysher manfeltigklichen begeben, dester statlicher verhueten vnd bewaren mögen; auch damit sie derhalben hinfür wider mit vnserm vnd vnser nachkomen könige zu Behmen lantuoiten in Ober-Lausitz noch sunst mit imands in irrung, vnwillen vnd wider- wertigkeit, als dissmals mit obgemeltem vnserm voite Sigmunden von Wartmberg gescheen, komen bedorffen, haben wir mit wolbedachtem muete, rechter wissen vnd guetem rate vnser edlen vud lieben getrewen aws Behemischer königklicher macht angezeiget priuilegium, sovil dise vorwandelunge betrifft vnd nicht weiter, awfgehoben, heben das auf hiemit gegenwirtiklichen vnd wellen, das solh nach kein ander vnser vorfaren konige zu Behmen vnd hertzogen zu Görlitz priuilegium, ordenung vnd geschefte diser vnnsere geben eynigerley verhynderung, obebroch oder schaden brengen sulle, sonder wir bekennen, setzen vnd wellen, das die gemelten vnser burger vnd gemeine stat Gorlitz bey diser vnser geben geruglichen sollen beleiben, vnd das ein yetzlich vnser vnd vnsere nachkomen, könige zw Behmen, voit in Obir-Lausitz an vor berurten jarzinse, den wir vor gnugsame vnd vberflussige widerstattunge erkennen, benuegig sein vnd sie in keinen wege hoher anziehen, besweren noch in einigen inhalt daran thun soll. Yedoch wellen wir vns, vnsern nachkomen, königen zu Behmen, vnd iren voiten in Obir-Lausitz, so die selbst jagen wellen, frey jagt vff allen vorberurten heyden furbehalten haben mit dem bescheyde, das wir noch sie nymandes fürder darauf zu jagen irlauben nach zulassen. Vnnd darumb gebieten wir allen vnd ytzlichen, dem ytzigen vnd zukönnftigen voiten in Obir-Lausitz, sunst auch allen vnsern vndertanen, die von Görlitz an diser vnser begnadung vnd gab wenig nach vil zu betrueben, darein nicht zu halden, daran wider vorhyndern, ze vorgeweldigen, sunst auch nymanden zu tun gestatten, sunder dabey hanthaben, schutzen vnd schirmen vnd hieran kein anders ze thun bey hechster vnser straff vnd vngenad meydung. Des zw vrkundt haben wir vnser königklich insigill hieran hengen lassen. Geben zw Ofen an mittichen vor Bartholomei, des heiligen zwelfboten,*) nach Cristi geburt vierzehen hundert vnd in dem newnvndnewntzigisten, vnser reiche des Hungrischen im newnten vnd des Behe- mischen in acht vnd zweyntzigisten jaren. Ad relationem magnifici domini Johannis de Schel- lenberg, regni Boemie cancellarii supremi. Wir Sigmund von Wartmberg, herre zu Tetschen, des konigreichs Behmen obrister schenk, der Sechs Lande vnd stete, Budissen, Görlitz, Zittaw etc. voit, bekennen in disem vnsern offen brieffe allen, die en sehen, hören oder lesen, das wir awf gönnst vnd zulassen des durchleuchtigisten, grosmechtigisten fürsten vnd herrn, herrn Wladislawen, zu Hungern vnd Behmen etc. konigen, vnsers allergnedigisten herrn, vns und vnsern nachkomen, lantvoiten in Obir-Lausitz, zu guete etzliche teiche vf der Görlitzschen heyden zu bawen angefangen; vnd nachdem die ersamen burgermaister vnd rathmane der stat Görlitz in rechtlicher ver- horung der sachen vor den edlen wolgebornen hern Petern von Rosenberg hawbtman vnd andern herren vnd ritterschaft der cronn zw Behmen durch kaiserliche, konigliche vnd fürst- liche briefe, auch durch ander glaubwirdige kuntschafft angezaygett, das die gebrauchunge des bawholtzes darzu, das dörre holtz stehnde vnd legende, die este abgehawner bawme, die *) 22. srpna. 66*