117 Aquilanensis sacri palacii apostolici causarum et cause ac partibus supra et infra scripsis a domino nostro papa auditor specialiter deputatus salutem in domino et presentibus fidem indubiam adhibere. Noveritis quod nuper sanctissimus in Christo pater ac dominus noster dominus Bonifacius divina providencia papa nonus duas commissionum sive supplicacionum cedulas nobis per certos eius cursores successive presentari fecit, quas nos cum ea qua decuit reverencia recepimus, quarum prime tenor talis est: Dignetur s. v. causam et causas appellacionis et appellacionum in partibus ad sedem apostolicam et s. v. interiectas a nonnullis gravaminibus per dominum Patricium assertum abbatem monasterii Scotorum in Wyenna Pataviensis diocesis pretensum executorem cuiusdam incorporacionis pretense monasterii sanctimonialium in Oslavia ordinis Cisterciensis Olomucensis diocesis in causa et causis, que vertitur et vertuntur seu verti et esse sperantur inter devotos v. s. pre- positum et capitulum ecclesie sancti Petri in Brunna et Conradum Smerbeck canonicum dicte ecclesie de et super parrochiali ecclesia sancti Jacobi in burgo Brunnensi dicte Olomucensis diocesis et eius occasione parte ex altera tociusque negocii principalis necnon nullitatis et iniquitatis et injusticie processus et processuum pretensorum, per eundem abbatem habitorum, committere alicui ex venerabilibus viris apostolici palacii causarum auditoribus audiendas decidendas et fine debito terminandas cum omnibus et singulis emergenciis incidenciis dependenciis et connexis cum potestate citandi dictos abbatissam et conventum et alios quoscunque sive communiter vel divisim ac absolvendi et restituendi dictos prepositum et capitulum simpliciter et ad cautelam a pretensis excommunicacione et aliis censuris, quibus per eundem abbatem dicitur innodari, atque relaxandi interdictum pretensum occasione pre- missorum positum; non obstante si causa et cause huiusmodi non sint ad romanam curiam legitime devolute neque in ea de juris necessitate tractande seu eciam finiende aliisque in contrarium editis non obstantibus quibuscumque. In fine vero dicte commissionis seu suppli- cacionis cedule scripta erant de alterius manus litera, superiori litere ipsius cedule penitus et omnino dissimili et diversa videlicet hec verba: De mandato domini nostri pape audiat magister Jacobus de Aquila citet ut petitur absolvat et relaxet, si et prout de jure et justiciam faciat. Alterius vero commissionis tenor sequitur in hec verba: Supplicant s. v. devote oratores e (sic) abbatissa et conventus monasterii vallis sancte Marie de Osslavia Cisterciensis ordinis Olomucensis diocesis, quatenus alicui ex venerabilibus viris dominis vestri sacri apostolici causarum palacii auditori committere dignemur, ut interdictum in parrochiali ecclesia sancti Jacobi de burgo Brunnensi eisdem abbatisse et conventui per e. s. v. literas et alias incorporatas dictarum literarum ac processuum exinde secutorum pretextu positum si et prout de jure relaxet in contrarium faciente non obstantibus quibus- cumque. Et si placet committatur domino Jacobo de Aquila dicti vestri palacii causarum auditori, cui certe cause ad instanciam dominorum prepositi et capituli ac Conradi Smerbeck canonici ecclesie sancti Petri Brunnensis dicte diocesis de et super dicta parrochiali ecclesia et ipsius occasione dicuntur commisse, ne causarum continencie dividantur. In cuius alterius commissionis seu supplicacionis cedule fine scripta erant de alia manu superiori litere ipsius cedule penitus et omnino dissimili et diversa videlicet hec verba: De mandato domini nostri