115 presentes literas fieri et sigilli nostri appensione jussimus communiri. Datum in Wissegrado prope Pragam anno domini millesimo quadringentesimo primo, die X. mensis Maji. (Orig. Perg. h. Sig. im Archive des Kl. s. Thomas in Altbrünn.) 108. Wilhelm, Markgraf zu Meissen etc., bekennt, dass ihm Markgraf Jodok das Schloss Golssin für 2000 Schock böhm. Groschen verpfandet habe. Dt. Berlin, 18. Mai 1401. Wir Wilhelm von gotis gnaden markgrafe zu Missin lantgrafe in Doringen und pfalzgrafe zu Sachsen bekennen vor uns unser erben und nachkomen und tun kund offint- lichin mit disem briefe allen den, die in sehin adir horen lesen, das uns der hochgeboren furste er Jost markgrafe zu Brandemburg etc. unser liber swager zu pfande gesazt und ingeentwort hat, sin sloez Golssin, mit dorfern manscheftin lehmscheftin geistlichin und wertlichin gevellin und angeveilin gerichten zollen geleiten beten zinsen renten holzern puschen heiden welden egkern wesin jaiten wassern molen sehen tichen fischerien dinstin pflichtin und gemeinlichin mit allin und iglichin sinen rechten eren nuzzen wirden friheiten gewonheiten und zugehorungen, als er das bis her besessin und gehabt hat, vor zwei tusend schok gutir beheimischer groschin prager munze, die wir im an gereitem gelde gelehin habin, und die er von uns gezalt und bezalt genomen und die in sinen und siner herschaft nuz und fromen kuntlichin gekart und gewant hat. Ouch hat uns der selbe unser liber swager zu dem slosse Golssin bewiset und gelegit hundirt schok behemischer groschin ierlicher gulde in sinem zolle zu Gubin, die uns der zollner zu Gubin der izund ist und alle sine nachkommen, die den zol da ufhebin werdin, die wile Golssin unser pfand ist, alle jar halb uf sente Michilstag und halb uf sente Walpurgintag unvorzoglichin reichin und gebin sollin, das sloz Golssin und die obingeschreben sine zugehorunge mit den hundirt schogken geldis in dem zolle zu Gubin wir und unser erben innehabin und haldin sollin also wann adir uf welche zit unser swager markgraf Jost sine erben und nachkommen markgrafen zu Lusiz adir die das land zu Lusiz innehettin, das gnante sloez Golssin mit den hundert schogken geldis zu Gubin wider von uns adir unsern erben losen wollin das sollin wir in vor die obgnante summe geldis wider zu losen gebin. Und wann sie die losunge so tun wollin, das sollin sie uns ein ganz halb jar zuvor vorkundigen und wissin lassin, und wann sie uns die losunge so vorkundigit habin, so sollin sie uns usgende dem halbin jare unser geld als zwei tusend schog gutir beheimischer groschin bezalen in unserm slosse zu Missin ane vorzog und hindernis. Ouch sollin wir und unser erben hundirt beheimische schog an dem selbin slosse Golssin vorbuwen und die selbin hundirt schog adir was wir dermer daran vor- buwen worden, sollin uns unser swager markgrave Jost adir sine erbin und nachkomen, markgrafen zu Lusicz ouch widergebin sampt mit den obingeschrebin zwen tusent schogken. Wann sie so die losunge tun werdin ane intrag und geverde und wann sie uns unsir geld so ganz bezalit habin, so sollin wir adir unsir erben markgrafin Joste unsirm libin swager adir sinen erben und nachkomen des gnanten slossis Golssin und siner zugehorunge 15*