144 eidem in octo millibus sexagenarum grossorum pragensium rite et racionabiliter justi debiti titulo obligari. Et quia incumbentibus nobis multis negociis nos ad presens oportet neces- sario providere, ideo in eisdem octo millibus sexagenarum grossorum in nostris civitatibus infrascriptis octingentas sexagenas grossorum pragensium numeri et pagamenti census annui videlicet in Neumburg centum et quadraginta marcas, in Czaslavia ducentas et viginti marcas, in Colonia centum et sexaginta marcas, in Gurym centum et sexaginta marcas et in Usk super Albea septuaginta marcas graves, sexaginta quatuor grossos pro qualibet marca prescripta computando, prefato marchioni, nostro patruo, heredibus et successoribus suis, marchionibus Moravie obligavimus et vigore presencium animo deliberato, voluntate libera et de certa nostra sciencia, fidelium nostrorum consilio accedente, obligamus, ut dictos census pro termino sancti Galli medietatem, et pro termino sancti Georgii immediate sequenti aliam medietatem, bis in anno et sic deinceps succedente tempore annis sese sequentibus et secuturis liberaliter, absque nostro et omnium nostrorum officialium inpedimento, a dictis civitatibus tollat recipiat et requirat, tamdiu, quousque sibi, heredibus et successoribus suis prenominata octo millia sexagenarum in parata pecunia non numerabimus et non solverimus integraliter et complete. Si denique prefate civitates una, altera vel plures ex eis sepedictos census in parte vel in toto sepedictis marchioni, patruo nostro, heredibus et successoribus eius in prescriptis terminis non solverint et non dederint, vel dare et solvere neglexerint, tunc damus eis et concedimus potestatem omnimodam et auctoritatem plenissimam, dictos census retentos cum omnibus dampnis, que ob non solucionem huiusmodi quacumque racione vel causa perceperint et contraxerint, in eisdem civitatibus, que huius negligencie obnoxie fuerint, modo quocumque eis expedire videbitur, per arrestacionem et invasionem bonorum, ubicumque locorum habitorum vel habendorum, vel captivitatem personarum repetendi et eas ad solucionem plenariam tam retentorum censuum quam contractorum dampnorum nostris potestate et auctoritate, ut premittitur, compellendi. Insuper bona fide sincera promittimus et spondemus, dum et quo- cies opus fuerit, et nos super eo requisiverint per nos et nostros officiales prefatum mar- chionem, patruum nostrum, heredes et successores suos ad hoc juvare et eis cum effectu adversus civitates easdem patrocinari, quod hii, qui fuerint census retenti cum omnibus dampnis, que, ut premissum est superius, ex negligencia tali contraxerint, ipsis plenarie et integraliter persolvantur; hoc denique notabiliter expressato, quod sepe dictus marchio patruus noster principalem summam peccunie unacum dictis censibus in vita vel in extremis cuicumque vel eciam quibuscumque, sive sint seculares vel spirituales, seu religiose persone, dignitatis status eminencie vel condicionis cuiuscumque simul vel divisim dare donare legare vel committere poterit. Nos itaque legaciones huiusmodi in unam vel in plures personas seculares vel spirituales seu religiosas juxta quod deliberacio sua disposuerit, de certa nostra sciencia approbavimus ratificavimus confirmavimus et vigore presencium laudamus ratificamus et modo meliori, quo possumus, confirmamus. Volentes eciam et bona fide ut supra pro- mittentes pariter et spondentes, si opus fuerit, nosque super eo requisiverint predictarum donacionum disposicionem confirmacionem et ratificacionem nostris specialibus paribus tamen et similibus presentibus literis innovare et laudabiliter approbare presencium sub regie nostre