324 315. Papst Bonifacius IX. theilt dem Abte der Schotten in Wien, dem Dechant von Sanct Severin in Koln und dem Prager Official die Entscheidung im Processe um das Patronatsrecht der St. Jakobskirche in Brünn zu Gunsten des Oslavaner Klosters mit, und befiehlt ihnen, die Abtissin und den Convent in den Besitz der Pfarrkirche und ihrer Einkünfte einzufuhren. Dt. Rom, 21. Juni 1404. Bonifacius episcopus servus servorum dei. Dilectis filiis abbati monasterii Scotorum in Wyenna, Pataviensis diocesis, et decano ecclesie sancti Severini Coloniensi ac officiali Pragensi salutem et apostolicam benediccionem. Exhibita nobis pro parte dilectarum in Christo filiarum abbatisse et conventus monasterii vallis sancte Marie de Oslavia, Cisterciensis ordinis, Olomucensis diocesis, peticio continebat, quod, licet olim parrochialis ecclesia sancti Jacobi in burgo Brunnensi dicte diocesis prefato monasterio canonice unita, annexa et incorporata extitisset, ipseque abbatissa et conventus eandem ecclesiam huiusmodi unionis, annexionis et incorporacionis vigore assecute fuissent eamque in proprios usus a tempore, cuius contrarii memoria non extiterat, tenuissent et possedissent pacifice et quiete, tamen postmodum dilecti filii prepositus et capitulum ecclesie sancti Petri in Brunna dicte diocesis ac Conradus Smerbeck, qui se gerit pro canonico ipsius ecclesie sancti Petri, falso asse- rentes, eandem parrochialem ecclesiam mense capitulari ipsius ecclesie sancti Petri unitam fore, ac eisdem abbatisse et conventui contra justiciam se opponentes, impediverunt et impe- diunt ac fecerunt et faciunt, quominus ipse abbatissa et conventus eandem parrochialem ecclesiam possent pacifice possidere et alias easdem abbatissam et conventum super ipsa parrochiali ecclesia et eius occasione multipliciter molestarunt, vexarunt et eciam pertur- barunt; et nichilominus iidem propositus et capitulum et Conradus occasione unionis anne- xionis et incorporacionis dicto monasterio, ut prefertur, factarum ad sedem apostolicam appellarunt; nosque causam appellacionis huiusmodi et negocii principalis venerabili fratri nostro Jacobo episcopo Aquilanensi, tunc capellano nostro et auditori causarum palacii apostolici, ad instanciam dictorum prepositi, capituli et Conradi audiendam commisimus et fine debito terminandam, non obstante, quod causa ipsa de sui natura ad romanam curiam legitime devoluta et apud eam tractanda et finienda non esset; qui quidem episcopus, tunc auditor ad instanciam dilecti filii magistri Wilhelmi Leo, substituti per dilectum filium magistrum Gerlacum de Esch abbatisse et conventus, coram eo in judicio comparentis dilectum filium magistrum Johannem de Scrivanis, substitutum per dilectum filium magistrum Nicolaum Falkenberg prepositi capituli et Conradi, predictorum procuratores, prout ad hoc Gerlacus ab abbatissa et conventu et Nicolaus prefati a preposito, capitulo et Conrado prefatis sufficiens mandatum habebant et eidem episcopo tunc auditori apud acta cause huiusmodi legitime constabat, ad dandum et recipiendum libellum in causa huiusmodi per quendam cursorem nostrum citari fecit ad certum terminum peremptorium competentem. In quo dictus Wilhelmus coram eodem episcopo tunc auditore in judicio comparens predicti Johannis non comparentis contumaciam accusavit et in eius contumaciam quendam pro parte