43 parrochialis in Ungaricali Broda Olomucensis diocesis publice recognovit, se teneri et debitorie obligari racione annue pensionis de dicta parrochiali ecclesia in Ungaricali Broda de retentis pensionibus domino Fridrico, canonico ecclesie s. Mauricii in Chremsyr, in septuaginta quatuor marcis moravicalis ponderis grossorum pragensium denariorum usque ad festum s. Georgii proxime preterito exclusive [sic]. Item recognovit et recognoscit nunc et inantea, se teneri et debitorie obligari racione annue pensionis a proximo festo s. Georgii ut nunc lapso dicto domino Fridrico singulis annis futuris in quatuordecim marcis grossorum predictorum in duobus terminis divisim, puta Georgii et Martini sanctorum festis. Quas quidem septuaginta quatuor marcas grossorum predictorum cum annua pensione quatuordecim marcarum predictarum ipse dominus Georgius, perpetuus vicarius, promisit et promittit solvere singulis annis a festo s. Georgii proxime elapso incipiendo sub pena late sentencie viginti quatuor marcas grossorum predictorum, sic quod dictus dominus Georgius septem marcas grossorum, quas solvere debuit pro annua pensione in festo s. Georgii presentis anni, quod easdem promisit et astrinxit se solvere in festo b. Margarethe proxime venienti sub pena reintrusionis in pristinas sentencias, quibus ob hoc erat innodatus; item VII. marcas in festo b. Martini inmediate sequenti et decem marcas pro pensione retenta in dominica Letare de proximo ventura, et sic singulis annis futuris quoad extenuacionem debiti subtracti supradicti. Item dictus dominus Fridricus ex libero animo et bona voluntate fecit et facit dicto domino Georgio, perpetuo vicario, graciam in quatuor marcis grossorum predictorum, et exnunc remittit sibi et parcit easdem ex gracia sic tamen, quod si negligens foret in solucione retentorum et pensione supradictis, quod extunc velit dictam graciam sibi factam esse nullam. Insuper dictus Fridricus ex liberalitate animi sui dixit, quod si realem et effectualem in solucionibus dictus dominus Georgius se exhibuerit, quod graciam sibi pinguiorem nolit denegare. Insuper dictus Fridricus nonnullas expensas litterarum et nuncciorum fecit cum suo procuratore magistro Conrado de Braclis, advocato consistorii Pragensis, et ipse magister Conradus pro predicto domino Fridrico contra et adversus dominum Georgium supradictum, que summa se extendit ad quatuordecim sexagenas grossorum et ultra vel infra; super qua computacione statur dictis magistri Conradi, quam dictus dominus Fridricus super se recepit et recipit, volens dicto magistro Conrado satisfacere pro dicto domino Georgio sic tamen, quod si dictus dominus Georgius negligens et remissus fuerit in solucione pensionum et retentorum supradictorum, quod extunc dictus dominus Fridricus singulas expensas litterarum [et] nuncciorum velit habere et repetere in penam in dicto domino Georgio supradicto. Acta sunt hec anno domini M°CCCC die XXI. mensis Maii in consistorio Pragensi presentibus discretis viris dominis Nicolao, plebano ecclesie S. Nicolai in foro pullorum Majoris civitatis, Wenceslao de Praga, Andrea de Lompnicz. Ibidem eciam prefatus dominus Georgius, perpetuus vicarius in Ungaricali Broda, confessus est et recognovit, se teneri et debitorie obligari in quatuor sexagenis grossorum pragensium pro expensis in viis et litteris factis provido viro magistro Conrado de Braclis, advocato consistorii Pragensis, quas eidem solvere promisit, videlicet duas sexagenas gross. in festo nativitatis b. Marie virginis proxime venturo et alias duas sexagenas grossorum in festo purifi- 6*