220 210. Der Olmützer Stadtrath verpflichtet sich, nach dem Tode des Michael von Prossnitz zu dem von diesem bestifteten h. Geistaltare im Olmützer Spitale nur einen von den älteren Prebendären der Olmützer Kirche zu präsentiren. Dt. 28. Juli 1402 s. l. Nos Nicolaus Czessold magister civium, Jeklinus Sneider, Michael Polcz et Hanco Spaner consules ceterique jurati pro hac vice civitatis Olomucensis pro nobis heredibus et successoribus nostris, civibus civitatis eiusdem, recognoscimus tenore presencium universis. Quia pridem discretus et honestus vir dominus Michael de Prostano rector ecclesie parro- chialis in Bohdalicz Olomucensis diocesis de sua libera et spontanea voluntate, de nostro tamen consensu ad honorem dei omnipotentis eiusque intemerate genitricis et sanctorum omnium altare sancti spiritus in hospitali Olomucensi, dudum ante fundatum, de bonis a deo sibi collatis de novo dotavit, deputans altariste eiusdem altaris pro sua sustentacione annuatim sex marcas grossorum pragensium et moravici numeri in statutis terminis, ac unam marcam singulis annis in vigilia sancti Laurencii pro anniversario quondam honesti viri Peskonis de Prostayns concivis nostri, patrui sui, ad ecclesiam cathedralem presentandam super duabus partibus molendini vulgariter Steynmoele nuncupati, quinque stampnis stacionariis panni atque pratis pertinentibus ad molendinum predictum quatuor marcas grossorum, ac super domo Nicolai Lufftenczagel duas marcas necnon banco seu maccello carnium, quod modo Irregank tenet, dandas et levandas ac reempcione censuum, prout hec in literis dotacionis desuper confectis expressius continetur. Quapropter sic provide ordinata roboris firmitatem obtinere decrevimus; eciam quia idem dominus spontanee et liberaliter annuit, ut post ipsius obitum juspatronatus seu juspresentandi ad dictum altare, dum casus emerserit, habeat magister civium civitatis nostre existens pro tempore, ideo dicto domino Michaeli et ad eius manus venerabili capitulo Olomucensi pro nobis heredibus et successoribus civibus et dicto magistro civium sincera fide promittimus, quod in eventum, quo post obitum dicti domini Michaelis dictum altare rectore privari contigerit, per eundem ad illud nullum alium preterquam unum ex senioribus prebendariis ecclesie presentandum, sub pena privacionis ea vice, que tunc ad rectorem scole devolvetur. In quorum robur et evidens testimonium sigillum civitatis nostre presentibus est appensum. Datum sexta feria post diem sancti Jacobi anno domini millesimo quadringentesimo secundo. (Aus einem Transsumpte des Olm. bisch. Administrators Hartleb de Turri ddo. 14. Nov. 1402 im Olm. Stadtarchive.) 211. Franz von Carrara an seine Gesandten in Venedig, von Vorbereitungen zum Romzug Königs Wenzels. Dt. Padua, 4. August 1402. Egregie dilecti mei. Jo ho habuto da uno mio amigo, el quale ha habuto da uno el quale vene da Viena, chel re de Boemia el re de Hungaria e loro preson lo marchese