133 relinquitur dubium, quod totum dei ad laudem pertineat, quidquid laudis et honoris devote ac sollempniter eius inpenditur genitrici. Advertentes preterea, quod spiritualia exercicia sine sustentamine temporali diu stare non pervalent, et qui altario serviunt. de altario eciam vivere debeant, quatuor sexagenas grossorum pragensium pro quatuor porcis, quos predicta Lanczkronensis civitas nobis et antecessoribus nostris circa festum Christi natalis per singulos annos dare tenebatur et solvere pro honorancia, rectori scole in Lanczkrona, per jam dictos regulares canonicos, quando eis videbitur pro scole regimine assumpto damus et deputamus; ita videlicet, ut predicte urbis cives circa queque quatuor tempora rectori scole ibidem jugiter tenebuntur unam grossorum solvere sexagenam. Quod si contempnerent facere, tunc pro quavis non solucione circa quelibet quatuor tempora obligabuntur ex debito ad cameram domini episcopi Luthomyslensis, qui tunc temporis fuerit, unum solvere fertonem. Nichilominus tamen illis domino episcopo solutis, et rectori semper cogentur sexagenam solvere deputatam. Idem autem rector providere tenebitur et debebit minime de sex sociis, per quos prefata beate virginis missa decantetur sollempniter sicut decet. Et nos Johannes prior, Henslinus custos, Libussius cantor, Petrus scolasticus, totumque capitulum nostre Luthomyslensis ecclesie intencionem et propositum laudabilem prehabitis tractatibus diligentibus et deliberacione matura more solito non in quocunque sed in generali capitulo congregati, de certa sciencia et expressa omnium nostrum voluntate consensimus, consentimus dacioni seu donacioni pre- dictarum quatuor sexagenarum per memoratum in Christo patrem dominum episcopum nostrum pro decantanda in jam dicto Lanczkronensi monasterio beate virginis missa, ac in ipsam dacionem sive donacionem inviolabiliter omnimodo condicione et forma quibus melius valea- mus, ratificamus et presentibus approbamus. Nos eciam predicti Lanczkronenses cives tam presentes quam posteri nostri ad laudem et honorem dei et eius benedicte matris de man- dato reverendissimi domini nostri prefati et claro assensu sui Luthomyslensis capituli pro- mittimus et gaudenter volumus, prefatas quatuor sexagenas grossorum rectori divisim ut prefertur ad quatuor tempora inobmisse solvere sub pena superius memorata. In cuius rei testimonium et robur firmius presentes fieri et sigillorum nostrorum videlicet domini episcopi et capituli atque civium premissorum appensione jussimus communiri. Acta sunt hec anno domini millesimo CCCC. primo in nostro generali capitulo infra octavas assumpcionis Marie virginis illibate feria IIII. (Orig. Perg. mit 3 anh. Sig. im m. Landesarchive, Art. Olmützer Augustiner, lit. G. n. 22.) 127. Jeronim Sydmberg, päpstlicher Auditor, ladet den Obrowitzer Abt Bernard und den Probst Ditwin von St. Peter in Brünn vor den päpstlichen Stuhl im Streitfalle des Capitels von St. Peter mit dem Kloster Oslavan um das Patronat der Kapelle St. Nicolai. Dt. Rom, 24. August 1401. Jeronimus Sydmberg decretorum doctor domini nostri pape cappellanus et ipsius sacri palacii causarum et cause ac partibus infrascriptis ab eodem domino nostro papa