81 62. Johann Bischof von Olmütz verkauft dem Johann von Bélá die Güter Bilkowitz und Přaslawitz. Dt. Mirau, 1. December 1400. Johannes etc. notumfacimus etc. Quod attendentes multiplices et diversas indigencias nostras, quibus in defensa nostra et bonorum ecclesie nostre gravamur ad presens, bona mense nostre in Byelkowicz et in Przazlawicz cum omnibus et singulis ipsorum pertinenciis ac pleno dominio prout nosmet eadem tenuimus et possedimus, famoso Joanni de Byela et Margarethe conthorali sue legitime justo vendicionis titulo pro ducentis marcis, nobis jam integre solutis, vendidimus et vendimus per presentes ad habendum tenendum possidendum utifruendum usque tempora vite ipsorum, berna regali excepta. Rogamusque honorabile capitulum ecclesie nostre, ut ipsi ad presentem vendicionem bonorum predictorum suum preberent assensum. Et nos capitulum ecclesie Olomucensis, pensatis necessitatibus domini nostri Johannis episcopi Olomucensis, ad vendicionem suprascriptam annuentes nostrum pre- buimus assensum et adhibemus per presentes. In quorum omnium testimonium sigillum nostrum et capituli nostri presentibus est appensum. Datum Meraw anno domini M°CCCCO feria quarta ante festum sancti Nicolai. (Kremsierer Lehensquatern II. p. 133.) 63. K. Sigmund gibt dem Peter Forgách von Gymes in Anerkennung seiner erfolgreichen Vertheidigung Ungarns gegen die Einfälle Margr. Prokops von Mähren die Besitzungen Terdemyz und Muykouch. Dt. Zakolcha, 6. December 1400. Nos Sigismundus, dei gracia rex Hungarie, Dalmacie, Croacie etc. marchio Bran- denburgensis etc. Memorie commendamus tenore presencium significantes, quibus expedit, universis: Quod nos consideratis et regie mentis pensione inspectis fidelitatibus et fidelium obsequiorum meritis laude dignis gratuitisque complacenciis fidelis nostri magistri Petri, dicti Forgach de Gymes, quibus idem culmini nostro in quam pluribus nostris et regni nostri negociis sub diversorum et temporum et specialiter in custodia et tuicione regni nostri a parte Moravie contra Procopium, marchionem Moravie et Joannem, ducem de Rathbor, ejusdem regni nostri et suorum confiniorum temerarios invasores, in presenti nostra expedicione per nostram majestatem instaurata, terreque annotati Joannis invasione, desolacione et depopulacione, non sine maximo persone sue discrimine et sanguinis copiosa effusione, nobis cernentibus studuit complacere et se ipsum coram oculis nostre majestatis gratum reddere et acceptum. Pre- missorum fidelium meritorum et serviciorum suorum intuitu quasdam possessiones Terdemyz in Nitriensi et Muykouch vocatas in Borsiensi comitatu habitas — memorato Petro, filio Andree, dicti Forgach, nec non Ladislao et Georgio, filiis suis, item Nicolao, filio Johannis, similiter Forgach de dicta Gymes, ipsorumque heredibus et posteritatibus universis de pre- 11