466 428. Transsumpt der päpstlichen Bulle de dato Rom, 2. October 1397, betreffend die Ubertragung der Karthause von Leitomyschl nach Dolein bei Olmütz. Dt. Vallis Jozaphat (Dolein), 28. Juni 1406. In nomine domini amen. Anno nativitatis ejusdem millesimo quadringentesimo sexto, indiccione quartadecima, die vicesima octava mensis Junii, hora sexta vel quasi, pontificatus sanctissimi in Christo patris et domini domini Innocencii divina providencia pape septimi anno ipsius secundo, in monasterio domus sancte Marie Vallis Josaphat intitulato prope Olomucz situato, ipsius Olomuczensis diocesis, honorabilium ac religiosorum virorum fratrum Carthusiensis ordinis in mei notarii publici infrascripti testiumque subscriptorum presencia constitutus personaliter honorabilis ac religiosus in Christo pater dominus Stephanus, prior domus fratrum memoratorum ordinis jam dicti, quandam bullam in cute pargamenica con- scriptam, quam tunc propriis gerebat manibus obtulit intactam inviolatam non rasam non perfossam non viciatam non cancellatam, omnique corrupcione suspicioneque carentem, a domino Bonifacio papa nono jam defuncto super confirmacione domus sue prefate et bonorum ipsius legitime aquisitam. Cujus quidem bulle seu litere tenor de verbo ad verbum sic intonabat: Bonifacius episcopus servus servorum dei .. Datum Rome aput sanctum Petrum VI. nonas Octobris pontificatus nostri anno octavo. (Cod. dipl. Mor. XII. pag. 383.) In parte vero finali illius bulle complicata velut sigillum solet appendi hec litere fuerunt conscripte, pro G. Wert. similiter sub illis iste S. de Aquila et ille litere S. et A. satis competenter extiterunt florisate, post illas quidam tractus quatuor superius modicum fracti, inferius vero obrotundi consistebant, ex alia vero parte quedam cancellatura tamquam R. capitale appa- rebat, quequidem bulla seu litera sigillo rotundo plumbeo appenso in zonula sericea de medio rubea et de medio clauca videbatur roborata firmata et communita, ut mos est cum omnibus signis et inpressionibus literis apostolicis affigi et apendi. Super quibus omnibus et singulis prescriptus dominus prior per me notarium publicum infrascriptum peciit sibi fieri presens publicum instrumentum. Acta sunt hec anno indiccione die mense hora ponti- ficatu et loco quibus supra presentibus honestis et discretis viris Thomykone et Matyeykone incolis ville Dolan prope monasterium prescriptum collocate testibus ad premissa vocatis specialiter et rogatis. Et ego Martinus olim Symonis de Holessaw clericus Olomucensis diocesis publicus imperiali auctoritate notarius predicte bulle oblacioni et presentacioni et omnibus premissis, dum sic fierent etc. (Orig. Perg. im m. Landesarchiv, Art. Olmützer Carthäuser lit. C. n. 5.)