48 salutem in domino et mandatis nostris imo verius apostolicis firmiter obedire. Literas sanctissimi in Christo patris et domini nostri domini Bonifacii divina providencia pape noni unam videcicet graciosam cum filis sericis, aliam videlicet executoriam cum cordula canapis veris et integris bullis plumbeis ipsius domini nostri pape bullatas non suspectas non can- cellatas nec in aliqua sui parte corruptas vel viciatas, sed omni prorsus vicio et suspicione carentes nobis pro parte venerabilis in Christo abbatisse et conventus monasterii Vallis sancte Marie in Oslavia ordinis Cisterciensis, Olomucensis diocesis, coram notario publico et testibus infrascriptis presentatas nos cum ea, qua decuit, reverencia noveritis recepisse, quarum unius videlicet graciose cum filis sericis bullate de verbo ad verbum tenor talis est: „Bonifacius episcopus servus servorum dei. Ad hoc Romanus pontifex etc. Datum Rome apud sanctum Petrum Idus Maii, pontificatus nostri anno undecimo." — (vid. n. 29.) Tenor vero alterius litere cum cordula canapi bullate sic incipit: "Bonifacius episcopus servus servorum dei dilectis filiis etc. Datum Rome apud sanctum Petrum Idus Maii pontificatus nostri anno undecimo.“ (vid. n. 30.) — Post quarum quidem literarum apostolicarum presentacionem et recepcionem ex parte prefate domine abbatisse et conventus dicti monasterii fuimus cum instancia debita requisiti, ut ad execucionem huiusmodi literarum apostolicarum juxta vim formam seriem et effectum earundem procedere dignaremur. Nos igitur Patricius abbas et executor prefatus considerantes et attendentes huiusmodi literarum apostolicarum formam et tenorem, ac volentes huiusmodi mandatum apostolicum nobis in hac parte directum reverenter exequi, ut tenemur, dictas literas apostolicas et hunc nostrum processum ac omnia et singula in eis contenta vobis omnibus supradictis et cuilibet vestrum intimamus insinuamus et notificamus et ad vestram ac cuiuslibet vestrum noticiam deducimus et deduci volumus per presentes, vosque reverendum patrem dominum episcopum Olomucensem ac universos et singulos supradictos, quibus presens noster processus dirigitur, tenore presencium auctoritate apostolica nobis in hac parte commissa primo, secundo, tercio et peremptorie requirimus et monemus communiter et divisim, vobisque nichilominus et cuilibet vestrum in virtute sancte obediencie et sub infrascriptis sentenciarum penis districte precipiendo mandamus, quatenus infra quindecim dierum terminum post presentacionem notificacionem seu insinuacionem presencium, vobis et cuilibet vestrum factam immediate sequencium, quorum quindecim dierum quinque pro- primo, quinque pro secundo et reliquos quinque dies vobis et cuilibet vestrum pro tercio et peremptorio termino ac omnibus dilacionibus canonica monicione prefigimus et assignamus presencium sub tenore, quatenus easdem abbatissam et conventum vel procuratorem seu sindicum ant certum earum nuncium pro eis ad corporalem realem et actualem possessionem dicte ecclesie absque difficultate contradiccione opposicione seu impedimentis libere recipiatis admittatis et inducatis et quilibet vestrum recipiat admittat et inducat ac defendatis et defendat inductas, dictosque prepositum et capitulum et quoscunque alios dictam ecclesiam sancti Jacobi occupantes, ac Conradum Smerbeck canonicum prefate ecclesie sancti Petri et quem- cunque alium, dictam ecclesiam vice et nomine dictorum prepositi et capituli aut quorum- cunque aliorum seu alterius cuiuscunque aut quocunque titulo vel quovis alio quesito colore