319 Torniano diocesis Maguntinensis clericis ac Hermanno de Corciis clerico Leodiensis diocesis testibus ad premissa vocatis specialiter et rogatis. Subsequenter vero nos ad supradicti magistri Wilhelmi Leo procuratoris coram nobis comparentis instanciam et peticionem prefatum magistrum Johannem de Scrivanis procuratorem predictum ad videndum et audiendum supradictas expensas, in quibus ipsi domini prepositus et capitulum ac Conradus principales sentencialiter per nos existant condempnati, per nos taxare et moderare vel ad dicendum causam, si quam haberet racionabilem, allegandum, quare minime taxari debebant, per porterium sive nuncium juratum supradictum citari mandavimus et fecimus peremptorie ad diem et horam condecentem, videlicet diem et horam infrascriptas, quas tunc ad idem dicto magistro Wilhelmo Leo procuratori id petenti et parti sue in hujusmodi causa duximus prefigendum. Hiis itaque die et hora adveniente et in eisdem coram nobis in judicio com- parentibus magistris Wilhelmo Leo ex una et Johanne de Scrivanis procuratoribus predictis, procuratoribus nominibus quibus supra, ex altera, idem magister Wilhelmus Leo procurator quo supra nomine expensas supradictas per nos taxari et moderari presente dicto magistro Johanne de Scrivanis sibi ex adverso procuratore debita cum instancia postulavit. Nos igitur Henricus cardinalis judex et commissarius predictus ad ipsius magistri Wilhelmi Leo pro- curatoris instanciam et peticionem expensas predictas, in quibus ipsi prepositus et capitulum ac Conradus ex adverso principales per nos sentencialiter condempnati existunt, ad viginti octo florenos auri de camera dicti domini nostri pape boni auri et justi ponderis per prefatos dominos prepositum et capitulum ac Conradum principales dictis dominis abbatisse et con- ventui principalibus vel eorum legitimo procuratori, ad hoc constituto, solvendos realiter et tradendos racione et occasione expensarum predictarum, provida moderacione prehabita, presente dicto magistro Johanne de Scrivanis ex adverso procuratore in scriptis taxavimus et taxamus per presentes, recepto tamen primitus ab eodem magistro Wilhelmo Leo pro- curatore et per ipsum ad mandatum nostrum et in nostris manibus tactis sacrosanctis scripturis ad sancta dei ewangelia corporaliter prestito juramento, se et partem suam predictam tantum et ultra expendisse seu necessaria expendere habere in et pro lite ac causa antedictis. In quorum omnium et singulorum fidem et testimonium presentes nostrarum diffinitive sentencie et taxacionis expensarum literas seu presens publicum instrumentum, huiusmodi nostram sentenciam et expensarum taxacionem in se continentes seu continens, exinde ferri et per Petrum notarium publicum et secretarium nostrumque et huiusmodi cause coram nobis scribam infrascriptum subscribi et publicari mandavimus nostrique sigilli fecimus appensioni muniri. Taxate fuerunt huiusmodi expense per nos Henricum cardinalem judicem et commissarium prefatum Rome in domo habitacionis nostre predicta sub anno, indiccione, loco et pontificatu quibus supra, die veneris quarta mensis Julii hora vesperorum vel quasi, presentibus eisdem domino Antonello Surracha de Salerno canonico Salernitanensi canonico et Tilmanno Torniano diocesis Maguntinensis clerico ac Hermanno de Corciis clerico Leodiensis diocesis, testibus ad premissa vocatis specialiter et rogatis. Et ego Petrus Poper de Prussia, clericus Pomezaniensis (sic) diocesis publicus apostolica et imperiali auctoritate notarius etc. (Orig. Perg. anh. Sig. abgerissen im Brünner Stadtarchive. Sig. N. I. Nr. 21.)