140 concedendis, eciam si de ipsis et ipsorum toto tenore de verbo ad verbum nostris literis habenda foret mencio specialis et aliis contrariis non obstantibus quibuscunque. Nulli ergo omnino hominum liceat hanc paginam nostre declaracionis revocacionis cassacionis irritacionis absolucionis relaxacionis inhibicionis voluntatis et constitucionis infrangere vel ex ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli, apostolorum eius se noverit incursurum. Datum Rome apud sanctum Petrum kalendis Septembris, pontificatus nostri anno duodecimo. (Orig. Perg. mit anh. päpstl. Bleisiegel im Brünner Stadtarchive. Sig. N. I. 13.) 130. Der Olmützer Bischof Johannes erklart, dass den Welehrader Cisterciensermönch, Wenzel von Hradisch, wegen des Todschlages des Monches Wenzel, Profess desselben Klosters, keine Schuld treffe. Dt. Kremsier 1. September 1401. Johannes dei et apostolice sedis gracia episcopus Olomucensis universis et singulis, ad quos presentes pervenerint, salutem in domino sempiternam. Literas sanctissimi in Christo patris et domini domini Bonifacii, divina providencia pape noni ejus vera bulla plumbea more romane curie pendentis (sic) bullatas sanas et integras, non rasas non viciatas non can- cellatas nec in aliqua sui parte suspectas, sed prorsus omni vicio et suspicione carentes, nobis per religiosum virum Wenceslaum, monachum monasterii Welegradensis professum oblatas, nos cum ea qua decuit reverencia noveritis recepisse, quarum tenor sequitur in hec verba. „Bonifacius episcopus etc. Datum Rome aput sanctum Petrum XIIII. kalendas Augusti pontificatus nostri anno duodecimo.“ (Vide Nr. 123 dieses Bandes.) Post quarum quidem literarum apostolicarum exhibicionem et recepcionem nobis fuit humilime per dictum Wenceslaum de Rediss monachum cum debita instancia supplicatum, quatenus ad execu- cionem earundem literarum apostolicarum et contentorum in eisdem procedere celerius dignaremur graciose. Nos veluti obediencie filius ad execucionem ipsarum literarum pro- cedentes factaque inquisicione solerti aliisque circumstanciis considerandis consideratis diligen- cius et quia omnia et singula per ipsum Wenceslaum de Redisch monachum aput sedem apostolicam exposita in literis apostolicis suprascriptis contenta vera omnino comperimus, ideo auctoritate apostolica, nobis in hac parte commissa, juxta formam earundem literarum apostolicarum declaravimus et presentibus declaramus, sepefatum Wenceslaum de morte et homicidio Wenceslai monachi eiusdem monasterii et ordinis professi in ipsis supranotatis literis apostolicis contenti, nullam irregularitatis maculam seu notam incidisse; iniunximusque sibi ante omnia pro ebrietate penitenciam salutarem. In cujus rei testimonium sigillum nostrum presentibus de certa nostra sciencia est appensa. Datum Cremsier anno domini MCCCC primo, die prima mensis Septembris. (Aus dem Welehrader Copiarbuch Fol. 86 im m. Landesarchive. Sig. Welehrader Kloster, Fasc. G. III. n. 191.)