187 competit omnium et singulorum in predicta littera contentorum et non amplius neque ultra. Presencium sub nostri sigilli appensione testimonio litterarum, Datum Brunne anno domini millesimo quadringentesimo secundo, dominica qua canitur in ecclesia Misericordia domini. (Entnommen dem Codex Nr. 34 Fol. 23/a im Brünner Stadtarchiv mit der Aufschrift: Littera domini nostri marchionis super quinque marcas census annui pro antiqua Pseczerin.) 177. Die Stadt Brünn verspricht der Witwe Dorothea Kokotin, den ihr vom Markgrafen Jodok verkauften Jahreszins von 5 Mark Gr. aus den Stadtrenten zu zahlen. Dt. s. l. 9. April 1402. Wir Jacob Ott, die weil burgermeister, Hannus von Chremsier, die weil richter, und andere gesworne schepfen, ald und neu mit unsern nochkomen, und die ganz gemein der stat zu Brunne, beriehen und tun kunt offenbar mit disem brife ollen leuten: Als der hochgeborne fürste, marggraf Jost, unser genediger herre redleich vorkauft hat der erbern frauen Dorothean, der witiben genant Kokotin von Olomuncz fumf mark grosser pfennig prager munze und merherischer zal jarleichs zinss umb fumfzig mark grosser pfennig der abgenanten munze und zal, ir alle jar zu raihen drithalb mark zu sand Michels tage, den nu schirest kumpt anzuheben und drithalb mark zu sand Jorgentage, der dornoch schirest kumpt, und also selbste furbas alle jar zu den selben tägen von den renten und zinsen, die wir seinen genaden von der abgenanten stat alle jar zu den obgenanten tagen pflichtig und schuldig sein zu reihen zu gelden und zu geben von den losungen, als er des von seinen genaden der obgenanten frauen doruber seine brife und insigel gegeben hat. Also geloben wir, der selben frauen Dorothean mit unsern guten treuen an argelist noch ernst- leichem geheisse und gepot des obgenanten unsern genedigen herrn, das wir ir den obge- nanten zins zu den obgenanten tägen, von den obgenanten renten und zinsen an seiner stat reihen bezalen und gebn sollen und wellen an alles widersprechen, und an alles vorzihen; ob wir des nicht teten, so hat die obgenante frau Dorothea volle macht und gewalt mit kraft dis brifes, denselben vorsessen zinss, als oftsam des not geschiht, zu nemen und aus zu brengen zu juden oder zu cristen uf unser und der ganzen stat schaden und mag dorumb ufhalden uns, unser gut, unsere statleute, und ir gut varunde und unvarunde uberal, und an aller stat inner landes und ausser landes, an alle widerstrebung und hulfe geistleichs und werltleichs gerichtes. Und wann unser obgenant fürste, oder sein nochkomen, oder wir, oder unsere nochkomen an ir stat, den obgenanten zins vorder abkaufen wellen, das wir das tun mogen mit fumfzig marken grosser pfennig der obgenanten munze und zal an alles widersprechen, und an alle hindernusse. Und wer disen brif wirdet innehaben, es sei frau oder man, geistleich oder werltleich mit der obgenanten Dorothean guten willen, der sol haben als gut recht zu all den obgenanten geschriben sachen recht als sie selber. Des alles zu einer ganzen sicherheit geben wir ier disen unsern brif vorsigelten mit unsern 24*