150 werden, und dieselben zewene sollen mir globen und sweren, das sie mir und dem slosse die tzyt ane schaden sollen sin. des zcu geczeuge und bekentniße habe ich obgnanter Zbinko Haze meyn ingesiegel unden an dißen briff und zcedil laßen drucken, der geschriben und gegeben ist zcu Lawn, am sonnabende vor Tiburcii, anno domini etc. L. sexto. Aus d. k. sächs. H. St. Arch. in Dresden. W. A. Böhm. S. K. VI. Bl. 184. Copie. Ueberschrift: „Ern Hazen briff uber den geczeug und anders von dem slos Brüx und czu gleiten.“ 1456. 1456 April 21. [344.] Die sächsischen Amtleute Jakob Wildener und Hans Tonnayl bestätigen, einen Theil des Kriegsinventars und der Speisevorräthe des Schlosses Brüx nach Osseg überführt zu haben, wesswegen Zbinko von Hasenburg nicht belangt werden soll. 1456 April 21. Brüx. Ich Jacob Wildener czewgmeister und Hans Tonnayl kochenmeister amechtlute des durch- luchten hochgebornen fursten und herrn hern Friderichs hertcogen zcu Sachsen des heiligen Ro- mischen richs ertzmarschalg lantgraven in Doringen und marcgraven zcu Missen unsers gnedigen herrn bekennen mit disem brive vor allen gemeiniglich, dy yn sehen ader horen lesen, also: als uff dem slos Brux bliben was etlich gereth von wehir und spiße in macht des edeln hern hern Zbincken Hazen von Hazemburg und auch etlich ander dingk, als wir danne des register genander gehabt haben, solche were und speiß und alle ander dingk, die wir al do uff dem sloß haben ge- habt, es sey des fursten gnaden unsers gnedigen hern ader ymands anders, dieselbige haben wir genomen und wegk gefurt an allen schaden und hinderniß, und mit solchem geret wir sein beleitet sicher von dinern des obgenanten hern Zbincken biß gein Osseck; von solchen obgnanten sachen der gnant her Zbinko wider sein amechtlute sollen nicht gemanet werden, wanne sie uns das re- delichen an allen schaden haben laßen folgen gantzlichen. des zcu eynem bekentniße hab ich ob- genanter Jacob czewgmeister meyn petzet mit gutem willen zcu dißem briff gedruckt, und ich Hans Tonnayl kuchemeister habe gebeten den erbarn Baltazar von Redern, das er sein insigil vor mich uffgedruckt hat, wenne ich das meyne nicht habe bey mir gehabt. unde wir obgenanten Jacob und Hans kuchenmeister haben gebeten die namhafftigen und irbarn Hincko von Sebusen zcu Tzawsch gesessen und Steffan Krynitz zcu Rotinhofe gesessen, das sie zcu geczugniß ere insigil uff disen briff haben lassen drucken, der do gegeben ist zcu Brux, anno domini millesimo CCCC L. sexto, feria quarta ante Georgii. Ibidem W. A. Böhm. S. K. VI. Bl. 185 b. Copie. Ueberschrift: „Briff Jacoff Wildener und Hans Tonnayl, den sie ern Zbincken Hazen von Hazemburg haben gegeben umb den getzüg und spiese uff dem slos Brux im ge- lassen anno domini etc. L. sexto.“ 1456 April 21. [345.] Zbinko von Hasenburg übernimmt das zurückgelassene Kriegsinventar des Schlosses Brüx mit besonderen Verpflichtungen. 1456 April 21. Brüx. Ich Zwincko Haze von Hasemburg bekenne mit dißem brive vor allen, die yn sehen ader horen lesen, also: als mir der durchluchter furst und her Friderich hertzog zcu Sachsen des heiligen Romischen richs ertzmarschalg lantgrave in Doringen und marcgrave zcu Missen das slos Brux ab- getreten und diß nochgeschriben mit sinem guten willen sine gnade von puchsen und ander were daruff gelaßen mit namen: eyne kupferne steinbuchse, daruff ein kelch ist, und aber eyn kupferene steynbuchse und ein kupferen tara buchse, eyn eyseren steinpuchse mit zeween pulver cammern, eyn eyseren tarraßpuchsen mit zeween pulver cammern, funff hakenpüchsen, dry cleyner und zeween grosser, funff hantpuchsen, drey kupferen cleyn und czwu eysene, anderthalbe thonnen pulvers nicht vol, eyn thone swevels nicht vol, zewee halbe fuder angesetzte pfeil und dartzu zewu cleyne