144 1456. nibus punctis, clausulis, articulis et sentenciis suis, ac si earum eorumque tenores his literis nostris de verbo ad verbum specialiter expressi essent, decernimusque ea omnia obtinere cunctis temporibus plenum, firmum et inviolabile robur. et quia civitates in pignus dare regi damnosum est ipsisque civitatibus incomodum, detrimentum et molestiam affert, ac plura scandala et alia ex eo mala pro- venire cognoscimus, nolumus deinceps ipsam civitatem Pontensem per nos aut nostros successores cuiquam in pignus dari aut alio quovis modo alienari, sed permanere eam continuo volumus sub regia administracione et gubernacione imediata, quemadmodum alie civitates camere nostre regni Bohemie manent: ut eciam civitas ipsa honores, quos olim habuit, nostre sublimitatis dono resu- mendo decoretur, vexillum sive banderium, quod eam justo bello se defendendo amisisse accepimus, eidem restituimus cum hisdem insignibus et armis, cum quibus antiquitus ipsum habere consuevit, ac concedimus, ut eo libere nostra licencia et auctoritate uti possit, ubi et quando voluerit, sicut alie civitates predicti regni nostri Bohemie vexillis sive banderiis suis utuntur, non obstantibus quibuslibet consuetudinibus aut juribus aliis in contrarium disponentibus quoquo modo. mandamus igitur omnibus subditis nostris, cujuscunque officii dignitatis nobilitatis statusve sint, et presertim regni nostri Bohemie succamerario, qui nunc est vel in futurum erit, sub pena indignacionis nostre, ne prefatam civitatem civesque et incolas ejus in suis juribus vexent, turbent aut aliter quomo- docunque impediant, sed ipsam et eos in premissis omnibus tuendo et protegendo conservent. in quorum fidem has nostras literas fieri et nostri regalis sigilli jussimus appensione communiri. datum Wienne, die decima mensis januarii, anno domini millesimo quadringentesimo quinquagesimo sexto, regnorum nostrorum anno Hungarie etc. sextodecimo, Bohemie vero tercio. [in verso:] Rta. [Unten rechts auf dem Bug:] Ad relacionem domini Procopii de Rabenstein cancellarii Nicolaus Liscius legum doctor. Aus dem Br. Arch. N. 41. Orig. Off. Perg. Brief. Siegel sammt einem Stück Pergament herausgeschnitten. In verso aus spät. Zeit: „Ladislai regis privilegium tercium anno 1456.“ — Br. Copialb. fol. 36 a fig. — Bestätiget durch Georg v. Podiebrad 1462 März 18. und Ferdinand I. 1549 März 30. 1332.] König Ladislaus erlässt den durch eine heftige Feuersbrunst heimgesuchten Brüxern 1456 Jan. 10. die Steuern und Abgaben auf sieben Jahre und gewährt ihnen freies Bauholz aus dem königlichen Walde. 1456 Januar 10. Wien. Ladislaus dei gracia Hungarie, Bohemie, Dalmacie, Croacie etc. rex, Austrie dux marchioque Moravie etc. notum facimus universis, quod volentes auxilium ferre fidelibus nostris dilectis civibus et incolis civitatis nostre Pontensis, que horrendo vehemenciore incendio precedenti estate tam vaste ubique exusta est, ut nedum domus sed domorum parietes vix integri manserint, deliberate et sano nostrorum procerum et fidelium accedente consilio, de certa nostra sciencia, auctoritate regia Bohemie, ut valeat civitas ipsa post tantam ex noxio igne ruinam aliquantulum nostro beneficio reparari, cui plurimum ob ipsius conflagracionis affliccionem et damna compatimur, has ei gracias facimus speciales: volumus enim ipsam per septem continuos annos a data presencium numerandos liberam et immunem esse a solucione omnium censuum, quos camere nostre regni Bohemie solvere consuevit, ac eciam ab omnibus summis et bernis, quas septennio predicto durante nobis et camere nostre supradicte civitas ipsa solvere quomodocunque deberet. denique damus et concedimus civibus et incolis civitatis eiusdem, quod prefato tempore eis liceat duntaxat pro restauracione et edificacione suarum domorum ipsius civitatis in nostro nemore magno sive silva ligna incidere et exportare ac incidi et exportari facere sufficienter; sed locum in silva, unde incisio et exportacio fiat, ipsis volumus per nostros forestarios deputari. mandamus igitur omnibus subditis nostris et presertim regni nostri predicti succamerario ac censuum summarum et bernarum camere nostre exactoribus et perceptoribus, item