1456. 147 spenn und mishelung tzwischen baiden partheien gutlich zu verainen. ob das aber nicht mocht furganck gewinnen, daz dann bei demselben tag aus einer verrern anstalung und ain frid, oder wie die sachen verrer steen sullen, geredt und furgenomen werd. — item so sollen wir auch baiden partheien zu dem benantten tag und wider von dann an ir gewarsam unser sicherhait und geleit geben. — item so sullen auch die gemainen und offen strassen frey sein von baiden partheien, und daz dieselben strassen von baiden tailen an den ennden, da sich das geburet, getreulich und un- geverd geschutzt werden. — item es sullen auch bed partheien keynerley angriff oder unpillich handlung ainer dem anndern tun, noch gestatten zetun, sunder es sol mit allen solhen spruchen und vordrungen gutlich ruen und angesteen untz€ zu ausgang desselben gutlichen stannds. — item nachdem und unser gubernator zu Behem die stat Brux eingenomen und inhat zu unsern hannden, sol tzwischen demselben gubernator und der stad Brux ains und den hawbtlewten des gesloss Brux des anderen teils in unfreuntschafft nichts gehanndelt werden. — und wir der obgenannt kunig Lasslaw geben denselben der von Sachsen reten dise unsere beredt zedel under unserm aufge- druckten insigel. Aus d. k. sächs. H. St. Arch. in Dresden N. 7476. Orig. Off. Pap. Brief mit innen aufgedrücktem Siegel. — Palacky Urk. Beitr. z. Gesch. Böhm. S. 97, 98 weicht vom Orig. in der Schreibung ab. [337.] Georg von Podiebrad kündigt dem Herzog Friedrich von Sachsen Fehde an, an- geblich wegen der von den Inhabern des Brüxer Schlosses verübten Verletzungen des Waffenstill- standes. 1456 März 11. Prag. Wir Girzik von Cunstat herre zum Podiebrad gubernator und obrister hoffmeister des ku- nigreichs und der cron zu Pehmen. irleuchter hochgeborner furste und her her Friedrich herczoge zu Sachsen des hieligen Romischen reichs erczmarschalck landgraven in Duringen und marggraven zu Meissen! als zwischen ewern furstlichen gnaden, ewern landen und leuten, geistlichen und welt- lichen, das sloss Landswar uber der stat Bruxs ligende und unnsere von des wirdigen kunigreichs und der cron zu Pehmen und den2 darczu gehorende wegen durch den edeln ern Mathesen Slick von La€an hern zur Weiskirchen burggrauff zu Eger und Elbogen ein cristenliche vorrede beredt und beteidigt ist worden, vierczehen tage vorauff zu sagen, also und von manigfeldiger uberfarunge, die den inwonern der cron und den zu der cron ken Pehmen gehorende von euch und den ewern mit name uffhaldunge, entwendunge irs gutes, eigenwillige mutwillige furnemunge von den inhaldern des sloss Landswar ydezund und vor gescheen, und was wir als darumb zu besserung und wider- kerung geschriben vermant den verwylten° uberman tage zu legen geschriben, und so er denn tage darumb gelegt hat und verslagen worden und nicht nachgefolgt ist und sunst noch au2druckenung der forrede nicht folge gescheen, und darumb zu vermeiden, das wir unser und des kunigreichs und der wirdigen cron halben allerthalben on andere ursachliche nachsage vermerkt bleiben denn der aufrichtigkeit halben: und darumb so sagen wir eweren furstlichen gnaden sulche cristenliche be- teidigte forrede nach lawt der beteidigung fur und des kunigreichs und der wirdigen cron zu Pehem wegen auff in und mit crafft ditz briefs, und hinfur umb alle gethanen sachen verlauffung und ge- schichten wir und alle inwonere der cron und der dazu gehôrende eweren und den eweren ernt- halben nichtz pflichtig sein, sunder die damitt in krafft dicz brieffs erberlich bewart haben. datum zu Prag, dornstag nach letare, anno domini etc. LVI°. 1456 März 11. Ibidem N. 7479. Orig. Off. Pap. Brief mit innen aufgedrücktem Pap. Sig. — Palacky Urk. Beitr. z. Gesch. Böhm. S. 98, 99, wie in N. [336]. 1 Fehlt bei Palacky. 2 Fehlt bei P. 3 verylten bei P. 19*