1423. 83 Wir Sigemund von gotes gnaden Romischer kunig czu allen czeiten merer des reichs und czu Hungern, zcu Behemen, Dalmacien, Croacien etc. kunig embieten unserm liben getruen Nitczen von Gorencz burcgraven auff dem haws zcu Brux unser gnad und allis gut. liber getruwer ! uns habin unser liben getruwen der burgermeistere und rate der stat czu Brux yecz demutiglich ge- schrebin und mit allem fleisse gebeten, fur sy als ir gnediger herre zcu gedenken und hulffe und beschutzunge czuzcuschicken, wannen sie und unser sloz ubel und gar swach versorget sein. nu habin wir noch gelegenheit unser gescheffte, die wir yecz verhanden haben, das also vor uns ge- nomen, das wir dem hochgeborn Friderichen herczogen zeu Sachsen lantgraven in Doringen und marcgraven zcu Missen unserm liben oheime und kurfursten dasselbe sloz und stat zcu Brux befolen und ingegebin, das er uns die versorgen und behalten sal, nach dem und wir dann gut getruwen, gnade und zcuvorsicht zcu im haben. darumbe begern wir von dir und gebieten dir ouch ernstlich und vesticlich mit diesem briefe, das du dem vorgenanten Friderichen ader seinem anwalt das ege- nante slos, so er das an dich vordern wirt, ane alles wedersprechen abetreten und yngebin sollest und mit dir lassest aberechen, was diner schulde were, die do redelich ist; sulche schuld dir von dem egenanten Friderichen abgetragen sal werden, wie wol wir des dir des nicht pflichtig weren. wann wir den von Coldicz dinen hern in sulcher boteschaft gesandt haben, das wir wol wissen, woran wir mit einander sein, ydoch thun wir das von besunder gute. were ouch, das du des egenante slos zcu Brux dem egenanten Friderichen nicht obtretest, und wir des zcu schaden qwemen, so beschehe uns von dir ungutlich, und du tetest dir an dinen eren zeu kurcz. wanne wir dinem hern noch dir kein gelt auff dem egenanten slose verschrebin haben, sundern noch deme und wir im wol getruwen, haben wir ym dasselbe slos befolhen als unserm amptmanen. geben zcu Kesmark, am mitwochen vor ostern unser reiche des Hungerischen etc. in dem XXXVII. jare, des Romischen in dem XIII. und des Behemischen in dritten jaren. [Unten rechts:] Ad mandatum domini regis Michael prepositus Boleslaviensis. Aus dem k. sächs. H. St. Arch. in Dresden N. 5918. Gleichzeitige Copie auf Papier. [188.] König Sigmund verpfändet dem Kurfürsten Friedrich von Sachsen das Schloss Brüx und die Städte Brüx und Aussig an der Elbe. 1423 April 15. Bartfeld. 1423 April 15. Wir Siegmund von gots gnaden Romischer konig zcu allen czeiten merer des reichs und zu Hungern, zu Behem, Dalmacien, Croacien etc. kunig bekennen und tun kunt offinbar mit disem briff allen, die yn sehin oder horen lesen: daz wir haben angesehin solich lieb und trew, als wir an dem hochgeborn Fridrichen herczogen czu Sachsen des heiligen reichs ercmarschalk landgraven zu Doringen und marcgraven zu Meissen unserm lieben oheim und kurfursten genczlichin erkant und erfunden haben, und haben ym darumb mit wolbedachtem mute, gutem rate und rechter wissen unser slos und vesten zu Brux mit sampt den steten Brux und Ausk uf der Elb gelegen mit allen und iglichen renten, nutzen, zcinsen, gefellen und allen andern zugehorungen, als wir die yeczund inne- haben, befolen und eingegeben haben, und befelhen ym die in solicher maße, als darnach geschriben stehit: nemlichin daz er das haws uber Brux von den, die daz yeczund ynnehaben, losen solle und moge, und warumb er ys also loset und nach guter rechtnung darlegit, daz er das auff demselben sloss haben solle als lang, biß daz wir oder unser nachkomen kunige zu Behem oder unser erben im daz genczlich widderkeren. auch so gunnen und erlauben wir im, daz er tusend schogk behe- mischer groschen auff dazselb slos czu Brux mit guter kuntschafft und wissenheit des rates der stat zu Brux auff daz gebawed desselbin slos legen und vorbawen sal; dieselbin tusent schogk 11*