1432—1434. 101 [224.] Die Hauptleute von Freiberg, Riesenburg und Brüx, sowie der Bürgermeister und Rath von Brüx geloben, den Husiten binnen vier Wochen einen Friedensbrief nach Laun zu senden. 1432. 1432 Wir Heinrich von Malticz, Gelfrid von Trachenfelz hauptman zu Friberg und zcu Rezenburg, Brosius von Hogenest houptmann zcu Brüx, burgermeister rat und gemeine daselbest zcu Brüx be- kennen offenlichen mit diesem brive vor allen, die in sehen adir horen lesen also: als die nam- haftigen Jan von Czernyn und Mathe Horzessowicz uns den friczbriff von den tügelichen Otyken von Loza und Jane Czapken houptluten und von andern eldisten der Thaborn und der Weisen heer in Beemer lande czu felde legende, der da ynhelt und lawt unsern gnedigen hern und fursten den herezogen von Sachsen lantgrafen in Doringen und margrafen zcu Missen allen iren slossern, dinern und undirtanen etc. u2gegeben haben, und wir danne von unsern genanten hern und fursten durch irer verre willen einen friczbriff ane gefer nicht gehaben mogen, so haben wir gelobt und geloben mit kraft dis briffes bey unsern trewen und eren, in einen friczbriff von unsern genanten hern und fursten mit solchen worten, als der obengenante friczbriff lawt, den sy uns ußgegeben haben, von datum dis brives ynnen vir wochen nachenander komende schaffen und schicken und den czu Lune ynlegen mit unser eigen czerunge und verpflegunge ane alle lenger vorczihunge und uzgeen. teten wir des nicht, so sollen wir Heinrich Malticz, Gelfrid von Trachenfelz, Brosius, burgermeister, rat und gemeyne der stat Brux czu hant nach den vir wochen, wenne wir von den megenanten houpt- lûten und eldisten ader von dem Jane Czernyne ader von dem Mathe Horzessowicz ader von ir einem ader von dem, der des macht worde haben, mit iren briffen ader boten gemanet werden und kegen Brüx besant worden, so sollen und globen wir alle in unsern eigen personen mit dreysigk pferden in die stat Lune in eyn erber herberge, dy uns von in geczeiget wirt, ane alle widerrede eynczureiten ader ander so vil erber personen mit so vil pferden in das inleger senden. und czu dem inleger sollen sy uns sicher gleiten czu und abe, und sollen da ein recht gewonlich inleger halden und leisten, und daraus nicht czu kommen noch ußczureiten also lange, bis das wir unser trewe und ere, dy wir dem obengenanten vorsaczt haben, ledigen und lozen und in allen schaden, den sy von solches inlegers wegen, is were mit nachreysen, czerungen ader mit botenlone nemen, den sy ordentlichen mochten beweisen, gancz und gar richten und beczalten mit gereytem gelde. und wenne wir diesen briff gelediget und gelost hetten und den houptfriczbriff czu Lune den oben genanten in ire macht eyngeleget hetten, so sol danne furbas dieser briff keyne macht noch kraft haben. Aus dem k. sächs. H. St. Arch. in Dresden. N. 6244. Concept auf Papier. [225.] König Sigmund bestätiget der Stadt Brüx in Anerkennung ihrer dem königlichen Hause erwiesenen Treue und ihrer Verdienste im Kampfe gegen die Husiten sämmtliche Frei- heiten und Privilegien bei Strafe von fünfzig Mark Goldes gegen die Dawiderhandelnden. 1434 Februar 22. Basel. 1434 Febr. 22. Wir Sigmund von gotes gnaden Romischer keyser zu allen czeiten merer des reichs und zu Ungern, zu Behem , Dalmacien , Croacien etc. kunig bekennen und tun kunt offembar mit disem brieve allen den, die in sehen oder horen lesen: wann wir von keyserlicher wirde und angeborner gutikeit aller und yglicher unseir und des heiligen reichs und unserer kunigriche undertanen und getrüen gemeynen nucz geneigt sein zu betrachten, ydoch so seyn wir empsiclicher und me pflichtig, der nücz und bestes furczuwenden. die wir in unsern und des reichs und unsers kunigrichs zu Behem diensten und unverructen truen lauter und true befunden haben und auch teglichen fynden. wann uns nu unsere lieben getruen die burgermeister, rate und burgere gemeinlich der stat zu