88 1425. Wir Hinke burgermeister, Pawel Cramer, Panemixy, Johannes Grünsmyd, Johannes Dy- sterpach, Lewe von Massaw, Allexius, Hans Manewicz, Wenczlaw Keylhaw, Sigemund Stalburg und Bernhard Ewziger gesworne scheppfen, und ratmanne, nach dem als der Hans Geyzler von uns vorschiden ist, dem got gnade, und wir Jacob Dymuter, Niclas Holczscheiter, Jacob Slegel, Pawel Grunsmyd, Hannske von Leen, Niclas Rôzler, Peter Rodicz, Michel Reichel, Wenczlaw Dy- terich mit den andern eldisten und die gancze gemeine der stat Brüx bekennen offenlich mit disem brive vor uns und alle unser nachkommen und tun kunt allen, die diesen brif sehen ader horen lesen: als der allerdurchlüchtigste furste und herre herre Sigmund Romischer kunig zcu allen czeiten merer des reichs zcu Ungern, zeu Beheim, Dalmacien, Croacien etc. kunig unser allergnedigster libster herre das slos uber unser stat gelegen, uns und unser stat Brux und ouch die stat Ausk an der Elben gelegen mit allen und iczlichen renten, rechten, nuczen, czinsen, gefellen und allen andern zcugehorungen, als uns seine gnade gehabt hat, dem durchluchtigsten hochgeboren fursten unserm liben gnedigen herren herren Friderichen herczogen zcu Sachsen des heiligen Romischen reichs erczmarschalk, lantgraven in Doringen und margraven zcu Meissen und seinen erben befolen und ingegeben und vor eine genante summe geldis in pfandes weise vorsaczt und vorschriben hat und uns ernstlich und vesticlich geboten hat, das wir dem yczunt genanten unserm liben gnedigen herrn Friderichen herczogen und seinen erben gehorsamkeit gelubde und huldunge tun sollen: also haben wir dem vorberurten unserm liben gnedigen hern Friderichen herczogen zcu Sachsen und seinen erben solche gehorsamkeit und huldunge und ouch gelübde redlichen gesworen und ge- tan, geloben, sweren und tun in die kegenwortiglich in kraft dis brives an alle widerrede und vorruckunge die zcu leisten und zeu halden und zcu vorbrengen, als lange und in aller der weyze und mazse, als uns das der vorberurte unser allergnedigster liber herre der kunig Sigmund geheyzsen und geboten hat, und sein briff under seiner majestaten ynhelt und ausweist. ydoch sollen wir bey unsern alden rechten, guten gewonheiten und bey solichen begnadungen ungehindert und ungedrungen bleiben, der wir gute keiserliche ader kunigliche und furstenliche brive haben, die wider solche vorschreibunge, als denne uns unser gnedigster herre kunig Sigmund im und seinen erben vor- schriben hat, nicht weren noch teten. und das uns in unser gerichte der genante unser herre der herczoge, seine erben, foyte und amptlute nicht ynhalden noch hindern sollen, ydoch ausgenomen soliche gerechtigkeit und gewonheit, so denne eine camer des kunigreichs zcu Beheim an solichen gerichten und rechten geburet und daran gehabt hat, die denne daran derselbe genante unser gnediger herre der herczog und seine erben haben und halden sollen ane unser und unser nach- kommen widerrede. ouch sal uns der burgrave des slos über unser stat gelegen, der ycznt ist und yn czukunftigen czeiten sein wirdet, uns nichtes zcu gebiten haben, uns keinerley gedrank ader uberlast tun, und wir sollen und wollen im willig behulflich und beraten sein zeu allen seinen sachen, czinsen und renten und er uns wider. ouch so hat uns unser liber gnediger herre der herczoge der oftberurte von seiner furstenlicher mildikeit besunderlich damit begnad und ansehende unser vorterbnizse und unser unvorwintliche große scheden, die wir in diesen czeiten und lowften von den keczern empfangen und geliden haben, uns über solche huldunge und gelubde, die wir getan haben, als oben geschriben stet, soliche freyunge getan, des wir seinen gnaden gros danken; also das wir von darum dis brives seinen gnaden noch seinen erben keine rente noch czinse, hulfe ader bete geben noch reichen sollen ganczer jar fiere nacheinander czu reiten; und wenne die fier jar also vorgangen sein, so sollen wir und unser nachkomen die fier jare den vorgenanten fier jaren am nechsten nachfolgenden von solichen renten, als wir vormals in die kunigliche camer jerlich pflichtig zcu geben gewest sein, unserm heren dem herczogen und seinen erben in seine camer geben und reichen hundert schok guter bemischer ader nuwer freiberger grosschen halb uf sente Jorgen tage und halb uf sente Gallen tage und nicht mer; und wenne die yczunt genanten acht jare