496 Liber XVI. Caput XXVIII. proprio, que summi pontifices in primo suo consistorio agere debebant, perficere, iuraturus decreta concilii puro corde et sincera mente ad laudem et gloriam ecclesie singularemque honorem concilii Basiliensis, eciam reiterando iuramen- tum professionis prestitum in acceptacione papatus. Post verba hec Stephanus de Nouaria aduocatus consistorialis oracione composita dampna explicante, que ex guerra inter patrem et filium Ludouicum et Ludouicum Bauarie duces, ac pro filii parte Patauiensem episcopum, marchionem Brandeburgensem et Henri- cum Bauarie ducem in Bauaria crassabuntur, bona quoque sperate nunciante, si pax fieret, supplicabat, vt sanctitas sua in id ipsum attendere dignaretur. Respondit autem dolere se et semper doluisse de guerris et differenciis ipso- 10 rum principum, noticiam habens de hiis, que inter principes ipsos Ludouicum et Henricum euenissent in sacro Constanciensi concilio; libenter itaque vna cum presenti synodo Basiliensi vices suas interponeret, vt pax inter eos cum effectu daretur, eciam si opus esset ad ponendas treugas, vt interim ad con- summacionem ipsius benedicte pacis laborare melius valeret. De responsione 15 hac aduocatus humiliter gracias agens vna cum magistro Enea de Senis, ad hec procuratorium habente, pro pallio dando patriarche Aquilegiensi instanciam, prout est moris, fecere, nichil ad hec respondente papa, sed Arelatensi consuetudinem referente, quod post huiusmodi peticiones, an dari vel non debeat pallium, summi pontifices requirerent consilium a cardinalibus. Arelatensis deinde legit 20 professionis formam iurandam per papam, positis in ea verbis illis execucione et obseruacione decretorum Constanciensis et Basiliensis conciliorum, que non reperiebantur scripta in cedula originali, lecta ore et subscripta manu pape. Vtrum vero industria aut casu euenerit nescitur; temerarii esset iudicii, alte- rum firmare. Id autem plena attestacione firmatur, quod ante edicionem de- 25 creti XXXVIIe sessionis, formam illam explicantis, non mediocres patrum fuere agitaciones, eorum multitudine optante, vt electus in summum pontificem ple- niori forma iuraret de obseruandis omnibus decretis Constanciensis et Basilien- sis conciliorum, sed quare id non conueniret, multipharia in deputacionibus ostensa raciocinacione, dictis verbis expressis differencia illa finem accepit. 30 Quomodo autem super ipsis verbis difficultas ingesta fuit, quia cedula illa per alterum ex notariis concilii scripta fuit die prestiti consensus pape, dum in- stancie fiebant pro acceptanda eleccione, potuit per inaduertenciam illa clausula pretermitti. Sed die ista cedulam ipsam professionis integre verba omnia con- tinentem papa per semetipsum legit et abinde per Erardum Ronsselli, concilii nota- 35 rium, perlecto decreto XI. sessionis papa ex cathedra surgens, ad altare constitu- tus, super missale apertum loco, vbi dicitur „Te igitur“ manus apponens vtramque iurauit, sed decretum modificacione, in quantum concerneret summum pontificem; subscripcio vero propria eius manu fuit: Ego Felix quintus episcopus, seruus ser- uorum Dei, ita iuraui et pollicitus sum vna cum decreto XIe sessionis Basiliensis 40 concilii, quod incipit: „Quoniam frequens“ ; hanc autem cedulam propria manu sub- scripsi, de quo actu a promotoribus concilii requisiti notarii testimonia confecere. 5