90 Liber XIII. Caput XXIII. cardinalibus in vrbe aput monasterium Sancte Marie supra Minerua in conclaui congregatis, ac deinde post assumpcionem suam ad summi apicem apostolatus super altare ligno crucis et tactis euangeliis, in presencia aliorum cardinalium, inter cetera capitula solemniter iurauit, vouit atque promisit seruare infrascripta, nec in aliquo contra ea venire, ipsaque capitula sub bulla sua ad perpetuam rei memoriam habente vim decretalis et constitucionis perpetue inuiolabiliter obseruande confirmauerat. LXXXVus in primis, quod Romanam curiam in capite et in membris reformaret incep- turus, quandocumque requireretur per collegium cardinalium, ipsamque reforma- cionem sine interrupcione temporis continuaret vsque ad plenam perfeccionem et obseruaret. LXXXVIus, quod generale concilium celebraret seu celebrari faceret solemniter et in forma debita in loco et tempore, de quo foret sibi consultum per cardinales, et in eo reformaret seu reformari faceret vniuersalem ecclesiam. LXXXVIIuS, quod non crearet cardinales, nisi iuxta ordinacionem factam in concilio Constanciensi, et eam seruare teneretur, quantum fieri posset, de consensu et con- cilio cardinalium, vel maioris partis eorundem. LXXXVIIIus, quod cardinalibus per- mitteret libere recipere, et assignari faceret medietatem omnium et singulorum cen- suum, iurium, reddituum, prouentuum et emolumentorum vrbis et aliarum terrarum ecclesie Romane, iuxta concessionem Nicolai quarti, eamque seruaret in omnibus et per omnia; nec daret aliquam ex terris in vicariatum sine consensu et concilio dominorum cardinalium, nec guerram moueret, nec eciam poneret gentem armi- geram in eisdem, nec confederaciones cum quocumque rege vel principe temporali aut comunitate faceret sine consilio et consensu consimili, nec imponeret gabellas nouas, siue exacciones alias in vrbe Romana, nec in aliis terris ecclesie Romane, nec concederet alicui regi, domino temporali seu comunitati, preter vel contra liber- tatem ecclesiasticam, exaccionem supra clerum vel ecclesias, siue bona ad ecclesias et loca pia pertinencia. LXXXIXus, quod nichil de iuribus, in quibuscumque consistant, ecclesie Romane alienaret, nec alienata de iuribus quarumcumque ecclesiarum, reli- gionum, ordinum et militancium confirmaret nec approbaret. Nonagesimus, quod super omnibus et singulis predictis et dependentibus ex eis et aliis, in quibus con- silium dominorum cardinalium requiritur, promocionibus ad prelaturas exceptis, in literis suis siue apostolicis, scribi faceret nomina cardinalium consilium et consensum prebencium, sicut fieri solebat ante Bonifacium octauum, vt excluderetur abusus, qui longo tempore seruatus est. xcIus, quod predictum iuramentum in omnibus et singulis articulis supradictis fuit, erat et est omni iure tam diuino quam humano permissum, licitum et honestum, in decorem et conseruacionem status vniuersalis ecclesie ad bonum et salubre regimen Romane ecclesie et animarum salutem ten- dens; et presertim fuit et est tale, quod sine interitu salutis eterne dominus Eugenius potuit, et hodie, si vellet, posset eciam commode obseruare. XCIus generalis. XCIIIuS, quod predictum iuramentum notorie presumptuose atque temerarie transgressus fuisset et transgrederetur cottidie, in omnibus suis capitulis illud violans, reatum periurii dampnabiliter propterea incurrens, ac peccatum mortale in maximum vni- uersalis ecclesie et tocius populi christiani scandalum, videntis per eum aperiri viam