342 Liber XV. Caput XXI. dudum scripsisse procuratori fidei, vt concilio innotesceret articulos xxx erroneos extractos de libro simplicium animarum, cui fauebat Gabriel Condulmario, dicebat, quod post deposicionem suam constituisset in iudices episcopos Veneciarum et Re- canatensem ac Fautinum clanculo, qui nulla monicione preuia carceribus manci- passent plures fideles, qui prosequebantur aduersus tenentes errores dicti libri. Cumque rogati per affines et parentes ipsius Iacobi noluissent, vt cum saluo con- ductu coram eis suas allegaret raciones, sed quod primo intraret carceres cilicino habitu super nudo nudisque pedibus incognitus, ne in eum ruerent, non sine magno periculo hiancium faucibus resiliuerat. Cum vero multa diceret de fautoria ipsius Gabrielis ad librum, tenentesque illius errores, quare censendus esset hereticus, requisitus, vt in scriptis poneret, scripturam magne continencie dedit commemoratis XVI casibus fautorie, et quia appellauerat a sentencia lata per dictos commissarios, petebat intendi per concilium ad relaxacionem ipsorum ..., vtque libri vltra prout credebat XxxVI reperiendi apud dictos commissarios Basileam portarentur combu- rendi vel in partibus. A maiori vero specificacione dictorum scriptorum cum dicta denunciacio non habuerit progressum, sistit calamus referens, quod mense Augusti per deputatos a concilio facta est reformacio circa scriptores registrorum, supplica- cionum et bullarum illorumque magistros, quomodo sua officia exercere deberent, de diuisione quoque emolumentorum abinde proueniencium, inter cetera, vt quintus denarius taxe omnium bullarum concilii deputatus esset pro salario cantorum ca- pelle ipsius. Cum vero circa bona quorumdam ex patribus morientibus auditor ca- mere manum apposuisset, ne quidquam periret ex bonis eorum, inhibicione eidem facta generali, ne super hiis manus apponeret, deputati sunt quatuor, de quorum consensu aut maioris partis vna cum presidente concilii bona moriencium in concilio custodienda essent ad ius, interesseque eorum, quibus pertinerent, vbi vero vrgeret neccessitas, mandato auditoris de consensu presidentis ex dicta causa arrestari pos- sent. Mortuo autem Iohanne Spaserii constitutus est procurator fiscalis Robertus Magnani. Capitulum XXI. Plures prouisiones de cathedralibus ecclesiis, facte Septembrio mense. Septembrio mense, habitis congregacionibus octo sessioneque vna, incorpo- rati sunt Guillielmus monasterii Fabariensis Curiensis, procuratorie Petrus maioris monasterii prope Turonem abbates, frater Iohannes Gorin in theologia, Erardus Werckman in medicina licenciati, Iohannes Rangauelensis archidyaconus Triden- tinus, Matheus Lalinger plebanus sancti Nicolai prope Willach Saltzeburgensis, permanens vsque ad finem concilii, canonici duo, priores duo et alii nouem. Sancta synodus recepit litteras regis Aragonum sub data XXVII. Iulii, quoniam per alias concilio supplicasset, vt frater Bernardus Serra, elemosinarius suus, promoueretur ad abbaciam sancti Cucufati et huius abbas ad abbaciam Montis Serrati, sciuisset