450 Regesta Bohemiae et Moraviae. 760) 1358, 25 Febr. Monasterium in Porta Apostolorum agros prope villam Březno exponit. Nos Theodricus div. miser. abbas, Nicolaus prior, Franciscus prepositus, Busco, Albertus totusque conventus monasterii Porte Apostolorum, ord. s. Ben., recog- noscimus — —, quod quia ven. pater d. Busco quondam abbas nostri monasterii propter nonnullos defectus in dicto monasterio nostro tunc passos, a quibus dictum monasterium sine gravi iactura et periculo relevari non poterat, propter communem utilitatem et profectum diligenti deliberacione prehabita de communi consilio et con- sensu quosdam agros iuxta rubetum Kugem cum vallibus circumiacentibus olim Bertoldo civi Lunensi, heredibus et successoribus suis pro certa pecunie quantitate in utilitatem dicti nostri monasterii conversa, prout litere superinde confecte plenius continebant, locaverat et exposuerat, pro quibus agris ipso Bertoldo defuncto ac eciam pro aliis bonis in Lewonicz, que idem Bertholdus similiter possidebat, inter nos ex una et discr. virum Leonem civem Lunensem, fratrem dicti Bertholdi, parte ab altera lis et questio vertebatur, que per famosos viros dd. Nicolaum Episcopum, iudicem Pontensem, subcamerarium Boemie, Paulum camere regni notarium et Frenczlinum iudicem curie sopite fuerunt amicabiliter et discusse, quod ipsi Leoni tamquam ipsius Bertholdi legittimo successori, qui de bonis in Lewonicz predictis nobis ac nostro monasterio condescendit atque cessit, dictos agros, ad centum viginti strichones in mensura se extendentes, iuxta rubetum Kugem situatos, ville nostre Brsizenem adiacentes, cum vallibus et promontoriis ipsos agros circumdantibus, que leyten vulgariter nunccupantur, denuo locavimus et exposuimus et exnunc locamus presen- tibus et exponimus per ipsum, heredes et successores suos hereditarie possidendos, tenendos et habendos sub condicionibus infra scriptis, quod ipse Leo, heredes et suc- cessores sui ac dictorum agrorum et vallium possessores de ipsis agris et vallibus, quos et quas, ut moris est terre Bohemie, promittimus libertare et ab impeticione qualibet disbrigare, incipiendo in a. d. 1360 in festo s. Georii singulis annis perpetue duas marcas graves, 64 gr. prag. den. pro marca conputando, solvere debent atque dare quolibet inpedimento non obstante, quibus solutis ab omni alio contribucionis, subsidii, servicii et exaccionis onere, ab universis collectis sive censuum iuribus, quibuscunque specialibus nominibus appropriari et appellari valeant, ac qualibet inquietacione seu perturbacione a nobis et nostris successoribus liberi esse debeant et exempti, nisi quando berna generalis edicto regio proclamata fuerit, ipsam regi disbrigent; sin autem pro ipsa berna de bonis nostris aliis cum rege vel collectoribus suis ordinaverimus vel pactum fecerimus, tunc ipse Leo et sui successores, quantum de una aratura solvere proclamabitur, nobis solvent. Preterea, si ipse Leo vel dicto- rum agrorum et vallium possessores nobis vel nostris successoribus ipsum censum aliquo anno in festo s. Georii et quatuor diebus continuis ipsum festum sequentibus solvere neglexerint quoquomodo, extunc statim die quinta vel ulterius, cum nobis videbitur expedire, equos, pecora, sata et alias quascunque res in ipsis agris et vallibus repertas in tribus marcis gravibus, duas in censu et unam pro retardacionis