Annus 1357, 16—21 Sept. 367 triginta sex sexagenas gr. et duodecim gr. den. prag. census annui testamentarie lego, dono et ordino, quantoque melius possum, largior locis et personis sub condicionibus infra scriptis: Primo videlicet ad unum altare situm in ecclesia s. Petri in villa Dubcz, meis bonis heredi- tariis, decem sexagenas gr. predictorum de prefatis triginta sex sexagenis et 12 grossis, quos ibidem in villa Dubcz habere dinoscitur, deputo, dono et ordino discr. v. Gallo ca- pellano meo ad presens ad altare s. Laurencii prefate ecclesie s. Petri in Dubcz deputo et singulis successoribus suis, — — tali modo, quod novem sexagene ad usum seu utilitatem dicti mei cappellani — — applicentur diminucione qualibet procul mota, decimam vero sexagenam volo et ordino per ministrum eiusdem altaris — — dispensari modo et forma infra scriptis pro anima mea et fratris mei Cunczmanni in parrochiali ecclesia s. Nicolai super foro Pullorum in Maiori civitate Pragensi, ubi sepultus est ipse Cunczmannus et qui decem sexagenas dudum legaverat pro anime sue remedio, ut in die anniversarii ipsius sin- gulis annis in vigilia s. Laurencii mart. ibidem aput s. Nicolaum Pullorum viginti gr. pro cera, tres gr. duobus vicariis eiusdem ecclesie, duos gr. scolaribus“, viginti quatuor sacerdo- tibus, qui missas eodem die celebrabunt, duodecim gr., campanatoribus duos gr., residuum vero dicte decime sexagene cum scitu plebani predicti pauperibus, in vel extra ecclesiam sedentibus seu tunc temporis existentibus, largiendum. Peto eciam per dictum d. archiepi- scopum ordinari et disponi, quod cappellanus prefatus et sui successores in perpetuum sin- gulis septimanis in predicto altari ecclesie s. Petri in Dubcz per se vel per alios quinque missas legere, celebrare seu dicere teneatur. Ad secundum vero altare, quod situm est in ecclesia s. Nicolai in foro Pullorum prefata subscripta? sub vocabulo s. Trinitatis insi- gnitum, alias decem sexagenas census annui, quas in villa Opathouicz prope s. Procopium noscor habere, dono et deputo pro sustentacione hon. viri d. Johannis de Turri et successo- rum suorum in perpetuum dicto altari deserviencium, quem ad altare s. Trinitatis pre- dictum d. archiepiscopo presentibus duxi presentandum, petens per prefatum d. archiepi- scopum disponi et ordinari, quod ipse d. Johannes suique successores — — singulis quin- que septimanis adminus per se vel per alios debeant celebrare, volens, quod idem d. Jo- hannes — — novem sexagenas de prefatis decem sexagenis pro sua sustentacione habere debeat et debeant, decima€ vero sexagena pro anima mea et bone memorie patris mei quondam Johannis per ministrum eiusdem altaris —— ordino et volo distribui et dispensari modo infra scripto: in anniversario ipsius patris mei, qui agitur in die Translacionis s. Benedicti, fratribus Minoribus in monasterio s. Jacobi 20 gr., et in anniversario bone me- morie matris mee Allusye fratribus ibidem aput s. Jacobum in vigilia s. Mathei ap. et ew. 20 gr., et in anniversario Cunegundis, ave mee, in vigilia s. Egidii prefatis fratribus Mino- ribus 20 gr. dare et erogare teneatur. Ad tercium quoque altare in ecclesia parrochiali s. Gastuli Maioris civitatis Pragensis decem sexagenas et 12 gr. census annui, quarum novem sexagenas in prefata villa Oppattouicz et septuaginta duos gr. super domo Wolfflini Eben- stainar sita prope maccella in ipsa civitate Maiori Pragensi noscor habere, deputo, dono a) scolaribus deest in C, complevit Podlaha. — b) sic in C. — s) C: decem. — d) C: Heylini.