260 Regesta Bohemiae et Moraviac. 470) 1356, 29 Oct. Avinione. Innocentius papa VI Johanni episcopo Lutomislensi et monasterio Aulae Regiae concedit Innocencius episcopus ut de castro Lanšperk et aliis bonis permutationem faciant. servus servorum Dei ven. fr. Johanni episcopo Luthomuslensi ac dil. filiis Johanni abbati et conventui monasterii Aule Regie, Cist. ord., Prag. dioc., salutem et apostolicam bene- diccionem. Ecclesiarum et monasteriorum omnium commodis libenter intendimus et, que a nobis pro ipsorum utilitate percipimus postulari, favore concedimus speciali. Dudum siquidem pro parte vestra, filii abbas et conventus, nobis exposito, quod vos habebatis in diocesi Luthomuslensi quoddam castrum dictum Landisperg et quedam opida murata et non murata, utpote Landiscronam, Wilhelmswerde, Tribouiam et Gabilonam nec non cam- pestres in Stradow et Spanow et quam plures alias villas de iuribus et pertinenciis dicti castri Landisperg existencia, ad vos, abbatem et conventum, vestrumque monasterium cum omnibus iuribus et pertinenciis eorumdem pleno iure spectancia, que omnia dudum eidem monasterio donata et tradita fuerant per cl. mem. Wenczezlaum regem Boemie, eiusdem monasterii fundatorem, queve a dicto monasterio per tres dietas distare noscebantur, et quod vos, abbas et conventus, tam propter huiusmodi distanciam quam pro eo, quod dictum castrum, quod forte existit, plerumque per officiales regni Boemie, plerumque per nobiles parcium illarum teneri consuevit, pauca et exigua inde emolumenta et cum magnis difficul- tatibus, laboribus et dispendiis perceperatis, quin ymo eorum occasione plura dampna et pericula maxima subieratis et ad magnam eratis deducti eciam paupertatem, propter que inter vos, abbatem et conventum, sepius et deinde per vos cum dil. ff. abbate et conventu monasterii Czedlicensis, ord. et dioc. predictorum, cuius abbas dicti monasterii vestri pater abbas existit, nec non capitulo generali dicti ordinis ac inspectoribus, ad hoc per dictum capitulum specialiter deputatis, tractatum fuerat et eciam deliberatum, dummodo super hoc ab apostolica sede possetis licenciam obtinere, quod vos, abbas et conventus, castrum et bona predicta permutare pro aliis bonis eidem monasterio vestro magis utilibus et vicinis et presertim tecum, frater episcope, qui ad hoc nomine ecclesie tue Luthomuslensis inten- debas, seu quibuscumque aliis, cum quibus vos, abbas et conventus, condicionem dicti vestri monasterii possetis facere meliorem, et a nobis pro parte vestra, abbas et conventus, faciendi permutacionem huiusmodi licencia humiliter postulata. Nos ven. fr. nostro .. archiepiscopo Pragensi et dil. ff...Cisterciensis et Morimondi, Cabilonensis et Lingonensis dioc., mona- steriorum abbatibus, eorum tunc propriis nominibus non expressis, dedimus per nostras litteras in mandatis, ut — — de premissis omnibus — — se diligenter informare et, que- cumque super hiis per informacionem huiusmodi reperirent, nobis suis litteris, dictarum litterarum nostrarum seriem continentibus, quantocius intimare curarent.1 Postmodum vero ven. frater noster Arnestus archiepiscopus Pragensis et dil. ff. Johannes Czedlicensis et Ebrhardus Pomucensis monasteriorum, ordinis et Pragensis diocesis predictorum, abbates, quibus Johanni 1) Vide superius n. 160.