238 Regesta Bohemiae et Moravias. pensionis gr. predictorum, salvis honoranciis, prestacionibus et serviciis extraordinariis et iuribus minutis de consuetudine regni Boemie debitis de dictis villis et bonis ac hominibus et rusticis bonorum et villarum predictarum, de eadem consuetudine annuatim prestandis, que ad 60 sexagenas dictorum gr. communiter estimantur — —. Porro castrum Landisperg, oppida et ville predicte de iuribus et pertinenciis eiusdem castri communi estimacione et precio estimantur ad 4000 sexagenarum dictorum gr. et tantum valent ac pro tanto eciam communiter vendi possent, sed habendo respectum ad predictum episcopum et eius mensam et ecclesiam Luthomuslensem, situ loci ac vicinitate et fortitudine castri ac bonorum pre- dictorum et aliis omnibus et singulis premissis ac eorum circumstanciis consideratis, castrum, oppida et ville predicte cum ipsorum iuribus et pertinenciis, estimacione singulari et respec- tiva, valent et valere possent eidem episcopo et eius ecclesie 5000 sexagenarum gr. den. prag. predictorum. Rursus permutacio huiusmodi, si eam de licencia sanctitatis vestre fieri et effectum debitum mediante eiusdem sanctitatis providencia sortiri contingat, in huiusmodi monasterii Aule Regie ac predicte Luthomuslensis ecclesie pregrande commodum cedere dinoscitur et utilitatem non modicam redundare. Et hec omnia et singula diligenti inqui- sicione ac matura cognicione prehabitis, ex certa et indubitata nobis facta informacione vera invenimus et cognoscimus, et de hiis plene informati sumus nosque diligenter informa- vimus. Propter quod providencia dicte sanctitatis vestre, cui ex debito pastoralis preemi- nencie incumbit ecclesiarum et monasteriorum omnium indempnitatibus occurrere et ipsorum commoda et utilitates ferventi prosequi desiderio, dignetur super hiis utrique, tam ecclesie Luthomuschlensi quam monasterio Aule Regie predictis, prone solicitudinis studio providere. In quorum testimonium presentes litteras fieri et sigillorum nostrorum appensione fecimus communiri. Datum Prage a. d. 1356 in crastino Assumpcionis b. Marie virg. Orig. cum 3 sigillis, deperditis, olim in archivo monasterii Aulae Regiae, nunc Pragae in archivo publico ministerii rerum internarum. — Ed. Tadra, Listy kl. Zbraslav. p. 90 n. 139. 430) 1356, 16 Aug. Pragae. Sedlecensis et Pomucensis abbates Cisterciensem et Morimundi abbates certiores faciunt de conditionibus permutationis inter monasterium Aulae Regiae et episcopum Lutomislensem faciendae. Rev. in Chr. patribus et dominis dd. Johanni Cistercii et Thome Morimundi monasteriorum abbatibus, Cist. ord., Gabilonensis et Lingonensis dioc., Johannes Czedlicensis et Eberhardus Pomucensis, eiusdem ordinis monasteriorum abbates, Prag. dioc., salutem et sinceram in Domino caritatem. Reverendissimi patres, litteras sanctissimi in Chr. patris et domini d. Innocencii — — summi pontificis nec non paternitatum vestrarum recepimus cum ea reverencia, qua decuit, et honore, continencie et tenoris infrascripti: (Sequitur tenor litterarum de a. 1355, 31 Oct., 17 Dec. et 20 Dec., vide n. 160, 205, 209.) Post quarum litterarum et commissionum recepcionem, nos volentes mandatum vestrum reverenter exequi et super premissis nos plene informari, rev. in Chr. patre et d. Johanne