236 Regesta Bohemiae et Moraviae. nec non magnam earumdem villarum fertilitatem et utilitatem eis inde provenientem pro se reservarunt et in huiusmodi permutacione transire et venire noluerunt atque nolunt, que omnia dudum eidem monasterio donata et tradita fuerunt et sunt per cl. mem. d. Wencze- slaum quartum regem Boemie, eiusdem monasterii fundatorem, a dicto monasterio per tres dietas vulgares distare noscuntur et distant, et quod ipsum castrum forte existit et plerum- que per officiales regni Boemie teneri et nonnumquam per nobiles illarum parcium occupari consuevit et occupatum fuit, et quod propter huiusmodi occupaciones et pro recuperacione castri et opidorum ac villarum predictarum, que aliter per dictos abbatem et conventum recuperari et de manibus nobilium, qui potentes in illis partibus fuerunt, liberari non pote- rant, ville, predia et nonnulla bona, immobilia ac mobilia, et clenodia, ad dictum monasterium spectancia, tria milia marcarum argenti communi estimacione valencia fuerunt et sunt successive a triginta annis citra alienata de facto et distracta, quodque propter huiusmodi distanciam et loci situm nec non occupacionem eiusdem castri, quod sepius per nobiles illarum parcium potentes, ut premittitur, occupari consuevit et occupatum fuit, ipsi abbas et conventus pauca et exigua hactenus et a triginta annis citra et ultra nulla deinde emo- limenta et cum magnis difficultatibus, laboribus et dispendiis perceperunt, quin ymmo eorum occasione pluries dampna et pericula maxima subierunt et ad magnam paupertatem eciam et inopiam sunt deducti, villeque, predia et nonnulla bona, immobilia et mobilia, ac clenodia dicti monasterii, ut prefertur, fuerunt et sunt alienata et distracta pro liberacione et recu- peracione castri supradicti. Item quod propter predicta ipsos abbatem et conventum inter se sepius et deinde cum ven. vv. Johanne abbate, collega nostro, et conventu monasterii Czedlicensis, ord. et dioc. predictorum, cuius abbas paterabbas dicti monasterii Aule Regie existit, nec non capitulo generali dicti ordinis ac nobis Johanne Czedlicensis et Ebirhardo Pomucensis monasterii abbatibus predictis, inspectoribus ad hoc per dictum capitulum specialiter deputatis, habitus est tractatus et eciam deliberatum, quod per ipsos abbatem et conventum monasterii Aule Regie castrum et bona predicta pro aliis bonis eidem mona- sterio Aule Regie magis utilibus et vicinis et presertim cum dicto Luthomuslensi episcopo, qui eciam ad hoc suo et mense sue episcopalis ac Luthomuslensis ecclesie nomine inten- debat et intendit, et super hiis tractatum et deliberacionem solempnem et diligentem cum suo capitulo Luthomuslensis ecclesie habuit, seu quibuscumque aliis bonis, cum quibus condicionem dicti monasterii Aule Regie possent meliorem facere, permutentur, dummodo ad hoc a vestre sanctitatis clemencia possent licenciam obtinere. Verum bona, pro quibus predicti abbas et conventus monasterii Aule Regie pro dictis eorum castro et bonis cum predicto episcopo deliberaverunt et tractaverunt coram nobis permutare, et spectancia et pertinencia dumtaxat ad predictum episcopum et eius mensam, sunt hec, videlicet villa Swol, que est vicina, contigua et adiacens bonis dicti monasterii et ab ipso monasterio vix per unam leucam distare dinoscitur, villa Rauschov et centum sexagene reddituum in et super villis Vgezd et Osseck, que per unam et mediam dietas a dicto monasterio distant, et predicta bona et ville sunt longe magis vicina et viciniora dicto monasterio Aule Regie,