440 Regesta Bohemiae et Moraviae. esse iudices, a qua interlocucione per procuratores domicellarum predictarum .. abba- tisse et . . conventus fuit ad sedem apostolicam appellatum, cui appellacioni ob reve- renciam sedi apostolice detulimus. Tandem procurator predictarum domicellarum abbatisse et conventus eidem appellacioni sponte et libere renuncciavit, ibidemque Woyslaus rector predictus libellum suum obtulit per omnia in hec verba: In Christi nomine amen. Coram vobis ven. vv. dd. Adam abbate monasterii Trebeczensis, ord. s. Ben., Hostyslao preposito in Reusch, Prem. ord., et Borzutha archidyacono Snoy- mensi, dyoc. Olom., cause et partibus infrascriptis iudicibus per sedem apostolicam deputatis proponit Woyslaus Jacobi rector capelle in Spilberk, eiusdem dyocesis, suo et capelle sue nomine contra abbatissam et conventum monasterii s. Marie in Antiqua Brunna, ord. Cyst., predicte dyoc., et personam seu personas intervenientes legitime pro eisdem et dicit, quod ipsi inmemores salutis animarum suarum a predicta capella sua abstraxerunt minus iuste, detinent illicite, occupant in villa dicta Rzeczowicz sita inter villas Eywanicz et Chunisfeld in parte respiciente Chunisfeld unam curiam et agriculturam de quatuor laneis et sex laneos cum dimidio et quatuor curticulas censuales cum agris cultis et incultis, pratis, pascuis, rivulis aquarumve decursibus et rubetis, prout sunt in suis terminis et limitibus circumferencialiter limitati, residua parte ville antedicte ad proprietatem et possessionem monasterii in Zars attinente, ad dictam suam capellam in Spilberk a primeva fundacione et dotacione eiusdem cum omni iure et dominio spectantes, perceperunt fructus, redditus et proventus ex eisdem iam forte a viginti annis vel citra, quos estimat ad valorem ducentarum et sexaginta marcarum gr. prag. moravici pagamenti. Quare petit idem Woyslaus per vos et per vestram sentenciam diffinitivam sibi et capelle sue sepe dicte dictos laneos, curiam et curias cum suis pertinenciis restituendos esse pronuncciari, decerni et declarari et predictos abbatissam et conventum ab eorum indebita detencione et occupacione ammovendos fore et per vos ammoveri, nec non ipsis super inpedimentis et opposi- cionibus perpetuum silencium inponi, et hoc petit omni via et modo, iure et causa, quibus melius et efficacius peti possunt cum fructibus perceptis et, qui percipi pote- runt, dampnis et interesse et expensis factis et faciendis, de quibus protestatur, salvo iure addendi, minuendi, mutandi, declarandi et interpretandi, non astringens se ad omnia et singula probanda, que in dicta peticione continentur, sed ad ea dumtaxat, que sufficiunt pro victoria cause sue. Ad quam peticionem per procuratores pre- fatarum domicellarum abbatisse et conventus fuit responsum animo litis contestandi, negando narrata, prout narrantur, et petita fieri de iure non debere. Lite igitur, prout premittitur, contestata per utramque partem de calumpnia et veritate dicenda prestito iuramento factisque posicionibus et responsionibus ad eas articulisque productis fuerunt testes producti, quos diligenter examinari mandavimus, prestito prius ab eisdem testibus secundum formam examinandorum testium iuramento ac demum de consensu parcium publicatis attestacionibus ac diversis literis, privilegiis ac instru- mentis productis, tandem predictus d. Woyslaus suspenso petitorio, cum utramque peticionem et possessorium adduxerit, ut asseritur, in iudicium, petivit super solo possessorio in causa concludi, procuratores vero partis adverse idem cum instancia