143 195. Markgraf Karl schenket dem Dominikaner-Kloster in Hung. Brod eine Wiese. Dt. Brunne, die Annuntiationis B. Marie virg. (25. März) 1338. Karolus domini,. Regis Boemie Primogenitus Marchio Morauie in perpetuum, Inter singula pietatis opera, quibus ad eterni Regis Solium peruenitur, illud potissime ad salutis et prosperitatis augmentum cedere credimus, si piis locis, et personis, in eisdem domino iugiter famulantibus, aliquid, de quo melioracionem condicionis sue faciunt, datur liberaliter vel confertur. Ea propter ad vniuersorum noticiam volumus tenore presencium deuenire, Quod cupientes nobis in Religiosis viris deuotis nostris, Priore et fratribus, ordinis Predi- catorum, qui in Monasterio Ciuitatis nostre Brode Vngaricalis nunc sunt, et pro tempore fuerint, Thezauros thesaurizare celestes, Ipsis pro predecessorum nostrorum, Regum Boemie et Marchionum Morauie Illustrium, animarum remedio, et vt fratres ipsi Dominum pro domini et Genitoris nostri antedicti, nostraque prosperitate deuocius debeant in posterum exorare. Insulam in qua continetur pratum nostrum, spinis et Tribulis ad presens occupatum, et ad Castrum nostrum ibidem in Broda pertinens, per littora Aque fluuii, Olzaua nuncupati, cir- cumdatum, ac inter duo Molendina, videlicet Henslinisse et Alberti Hertlini, Ciuium Brodensium situatum, precipue ob reuerenciam beate Marie Virginis gloriose, cuius vocabulo ipsum Monasterium insignitur, damus liberaliter, confirmamus et donamus tenendum, habendum, vtifruendum, et possidendum per Priores et fratres ibidem degentes, presentes et futuros imperpetuum pacifice et quiete. Ita tamen, quod Insulam sev pratum huiusmodi ab ipso Monasterio eis sit alienare prohibitum penitus, ac eciam interdictum. Volentes et mandantes Vniuersis et singulis, Subditis et Officialibus nostris per Morauiam, et expresse Burgrauio Brodensi, qui nunc est, uel pro tempore fuerit, firmiter et precise. Quatenus in possessione et vsufructu ipsius insule sev prati huiusmodi non debeant inantea predictos fratres impedire, sev etiam quomodolibet molestare. Contrarium facientes indignacionem nostram se nouerint grauiter incursuros. In cuius rei testimonium presentes fieri, et nostro sigillo iussimus com- muniri. Datum Brunne, In die Annunciacionis beate virginis Marie, Anno domini Millesimo trecentesimo tricesimo octauo. Ad relationem domini . . de Coldicz Jacobus. (Nach dem Orig. im Archive desselben Klosters abgeschrieben Ant. Boczek.) 196. Markgraf Karl bestätiget das dem Welehrader Kloster vom Könige Přemysl Otakar im J. 1228 verliehene Privilegium und gestattet demselben, auf allen Gutern ein Halsgericht halten zu dürfen. Dt. Brunne, fer. VI. ante Judica (27. März) 1338. Nos Karolus domini .. Regis Boemie Primogenitus, Marchio Morauie. Ad vniuersorum tam presencium, quam futurorum noticiam, volumus tenore presencium peruenire. Quod