11 14. Markgraf Karl bestätiget dem Welehrader Kloster das Gericht in Gross-Němčic. Dt. Praga die XIII. Maji 1334. Karolus domini nostri . . Regis Boemie Primogenitus, Marchio Morauie, Religioso viro . . Abbati et . . Conuentui Monasterii Welehradensis deuotis nostris dilectis Salutem et omne bonum, informati fide digna nonnullorum fidelium nostrorum doctrina vos et vestrum Monasterium a longe retroactis temporibus cuius inicij uel contrarij memoria non existit esse et fuisse in pacifica possessione Judicatus cum exercicio et Baylya meri et mixti imperij ac gladij potestate in facinorosos et reprobos tenendique furcam et Cippum ac aliorum iurium in Nemczicz magno, super quibus literas domini . . patris nostri confirmatorias habuisse dignoscimur, quod demum casu fortuitu vos anno proxime preterito constat dampnose per- didisse ipsum Judicatum ac gladij exercicium cum furca et Cippo inibi tenendis et exercendis licite et libere vobis et vestro Monasterio aprobamus, concedimus, et confirmamus tenenda, habenda, regenda, possidenda, et gubernanda commode et per omnia sicuti retroactis tem- poribus soliti estis et fuistis ipsis et aliis iuribus vti quomodolibet et gaudere, Mandamus igitur vniuersis et singulis . . Baronibus, Purchrauijs, Officialibus, Judicibus, et ceteris nostris fidelibus, presentibus et futuris, Quatenus vos et dictum vestrum Monasterium super predictis Juribus non melestent, inquietent, uel perturbent, nec molestari, inquietari ab alijs permittant aliqualiter uel turbari, Indignacionem nostram et penas graues, pro nostro motu infligendas, irremissibiliter incursuri, In quorum testimonium atque robur presentes conscribi et nostri sigilli munimine iussimus communiri, Datum Prage anno domini M° CCC° XXXIV° die XIII. mensis Maij, Indictione secunda. (Aus dem Cod. Ms. des XIV. Jahrhund. Fol. 46 im Archive desselben Klosters, im m. st. Landesarchive.) 15. Markgraf Karl bestätiget den durch seinen Kanzler Nicolaus von Brünn in dem Stritte des Doxaner Nonnenklosters mit den Bürgern von Leitmeritz bezüglich der königl. Steuer gefällten Ausspruch. Dt. in castro Pragensi, die XVIII. Maji 1334. Carolus domini nostri . . . regis Boemie primogenitus, marchio Moravie, religioso viro, preposito nec non conventui monasterii sanctimonialium in Dochczan, devotis nostris sincere dilectis, salutem felicem. Finem litibus et controversiis imponere cupientes, ne in mortales in judiciario strepilu videantur, ecce pridie et heri causam, que inter vos parte ex una, et . . cives Luthomericenses ex altera, diutius agitata dinoscitur, tenoremque et vigorem privilegiorum vestrorum et ipsorum civium, que sibi ad invicem super solutione berne regalis non parum contrariari perhibentur, honorabili viro Nicolao de Brunna, can- cellario nostro, commiseramus diligentius cognoscenda. Ipse namque examinatis prefate cause meritis ac privilegiorum ipsorum tenore lecto, auscultato strictius et perlecto, de 2*