142 194. Markgraf Karl verleiht dem zum Welehrader Kloster gehorigen Dorfe Frischau das Markt- recht. Dt. Brunne, in die Annuntiationis B. Marie virg. (25. März) 1338. Karolus domini .. Regis Boemie Primogenitus, Marchio Morauie, Omnibus Christi fidelibus presentibus et futuris, hanc paginam inspecturis, Salutem in eo, qui est omnium vera salus. Cum condiciones hominum et merita, internis oculis, solerti diligencia intuemur, Id nostre consideracioni de necessitate occurrit, quod hij sunt vberiori gracia prosequendi, qui spretis delicijs huius mundi legerunt Christo domino famulari, Sane quoque pensantes qualiter Ordo beati Bernhardi Cisterciensis, inter ceteros ordines, a sanctis patribus institutos vita et conuersacione deuota, esse noscitur speculum et exemplar. Dignum nostra decreuit benignitas, Eundem ordinem a nobis debere, precipuis honoribus et amplis fauoribus preueniri, Cupientes itaque intuitu premissorum Monasterio beate virginis Marie in Welegrad, Ordinis Cisterciensis predicti graciam facere specialem, vt ipsum, hominesque sui, adiuti beneficijs nostris proficiant incrementis, Auctoritate presencium indulgemus et volumus, vt exnunc inantea, In villa Vrischow, ad predictum Welegradense Monasterium pertinente, que deinceps Opidum esse censebitur forum singulis ferijs Quintis, septimanis quibuslibet, liceat et debeat perpetuis temporibus celebrari, Dantes vniuersis et singulis popolis eandem villam sev Opidum predictis diebus forensibus causa emendi uel vendendi res suas frequentandi plenam et liberam facultatem. Ceterum volentes sepedictum Monasterium habundanciori gracia perfrui et gaudere, harum serie literarum statuimus et decernimus, vt decetero prefatum Monasterium, in predicta villa Vrischow, seu Oppido, Cippum et patibulum habere debeat, atque possit, ad animad- vertendum seu Judicium faciendum, in quoslibet facinorosos et malos, vt puta Spoliatores, fures et Incendiarios, homines condicionis simplicis, sev Rusticalis per Conuersos seu Laycos Judices, ipsius Monasterij, Ita quod non sint astricti eosdem iudicandos Zudarijs prouincialibus, seu villicis, aut alijs terre Morauie Judicibus uel Justiciarijs, qui nunc sunt, aut erunt pro- tempore, decetero presentare. Si autem aliqui Bladicones, seu persone Militares et Nobiles, in bonis ipsius Monasterij propter delicta quecumque inuenti fuerint iudicandi, volumus vt tales dictorum Zudariorum prouincialium villicorum et Judicum sev Justiciariorum Terre Morauie Judicio assignentur, Ad quod quidem Judicium sev Jurisdiccionem, hec due ville Monasterij predicti, vt puta Lubicz et Wulkquicz perpetuo pertinebunt, Mandamus igitur vniuersis et singulis Officialibus et fidelibus nostris per Morauiam presentibus et futuris, firmiter et districte, Quatenus Monasterium Welegradense sepedictum, seu Abbatem et fratres ipsius, qui pro tempore fuerint, in hac nostri indulti gracia, impedire non audeant, sev a quocumque impediri permittant, nostre gracie sub obtentu. Harum nostrarum testimonio litterarum. Datum Brunne in die Annunciationis beate virginis Marie Anno domini Millesimo, Trecentesimo Tricesimo Octauo. (Das Orig. auf Pergament mit einem gebrochenen Doppelsigille im Archive desselben Klosters, im m. st. Landesarchive Lit. G. II. n. 21.)