77 ac tributa in locis et modis inferius exprimendis, exigenda duximus atque ordinanda, videlicet in primo introitu ad metas Regni Hungarie, in Alba ecclesia uel in wlgari Wywar nominata, debet solui octuagesima de rebus mercimonialibus. Item abinde siue in Saaswar, siue in Stynche, de quolibet curru mercimoniali, qui wlgariter Rudas dicitur, debet solui vnus lotto, siue tria pondera, Item de quolibet curru Aynczas dicto medium tributum, scilicet medius lotto, et ab hinc in Jabluncza circa Castrum Kurlachkw debet solui solummodo tributum pontis. Ita quod de quolibet equo vel Boue trahente currum vnus denarius Wyennensis. Item de pecudibus vendicioni exponendis, scilicet maioribus duabus, similiter vnus denarius Wyennensis, Item de quatuor paruis animalibus sicuti Ouibus, Capris et Porcis, similiter vnus denarius Wyennensis, et non plus. Item abinde in loco Bykzaad, siue in villa Beyn debet solui tributum sicut in Saaswar, et in Stynche de curribus mercimonialibus tantum. Preterea a Ciuitate Tyrnauiensi vsque Budam in locis infrascriptis, debet exigi tributum similiter de curribus mercimonialibus modo supradicto, primo in Forkoshyda, preterea in Semptey, Item in villis archiepiscopi Strigoniensis Narhyd et Wdword vocatis, Item vltra Danubium ex ista parte, in Strigonio postea in villa Chabya, Item in villa sancti Jacobi, pro Castro veteris Bude, et in porta Ciuitatis Budensis debent tributa exigi solummodo de curribus prout superius est expressum. Hoc tamen declarato, quod in locis tributorum supra- dictis nulla fieri debeat religacio curruum, preter quam in Ciuitatibus, in quibus tricesimam constituerimus exigendam. Que omnia loca tributorum tam Ciuibus Brunnensibus, de Regno Bohemie, quam nostris Ciuibus Tyrnauiensibus referentibus sciuimus esse a tempore Bele Regis instituta legittima et omnino fore iusta. Quapropter vniuersos et quoslibet mercatores tam nostri et Bohemie, quam aliorum Regnorum cum rebus mercimonialibus transeuntes, presentibus inducentes aduocamus et notificamus, vt cum eorum rebus, mercibus ac bonis amodo deinceps pacifice secura, et absque omni impedimento, saluis eorum rebus et personis liberam habebunt procedendi per loca tributorum prenominatorum facultatem, Igitur vbi magistris Stephano filio Lochk Castellano de Wywar, de Berench et de Bulunduch, Item Nicolao dicto Treutul Comiti Posoniensi, Castellano de Kurlachkw et de Hedruh, necnon Laurencio Sclawo, Castellano de Semptey, in presenti honores nostros predictos seruantibus, et in futurum Officialibus et Castellanis nostris constituendis, edicto regio firmissimis damus in preceptis, vos autem dominum archyepiscopum Strigoniensem requirentes, vobis simul vnacum alijs quibuslibet prelatis ecclesiarum, nobilibus, ceterisque cuiuscumque status et dignitatis hominibus, locum tributorum predictorum aliquem seruantibus et habentibus similiter firmiter iniungimus per presentes, Quatenus nostre amplioris gracie et dileccionis intuitu, predictas vias liberas, et absque omni impedimento securas et pacificas pro prelibatis mercatoribus conseruare debeatis, nec ipsos mercatores aliqualiter molestari aut perturbari, aut in locis tributorum predictis vltra pretactum modum exaccionis tributi aggrauari et angariari permittentes faciatis, alioquin nostram grauiter offendetis maiestatem. Et hec omnia et singula predicta per vos prenominatos nobis fideles et dilectos in foris et locis publicis, ac prouincijs volumus feriatim publicari et pro- clamari. Datum in Wysegrad in festo Epiphaniarum domini, Anno eiusdem M°CCCOXXX° sexto. (Das Orig. aufPergam. mit einem grossen wohlerhaltenen Sigille im Archive der Stadt Brünn. F. I. n. 4.)