63 filios nostros, et eorundem heredes ipse Rex Bohemie, filij sui, et filiorum suorum heredes, ad peticionem nostram, gentis eorum armigere, et Sagittarie subsidio sine fraude et dolo prout melius poterunt adiuuabunt. Si autem metas Regnorum nostrorum quispiam vel quipiam intrauerint, nos, filios nostros aut eorum heredes, ac Regna nostra hostiliter inuasuri, Extunc ipse frater noster, Rex Bohemie . filij sui, et eorum heredes, nos, filios nostros, ac eorundem heredes, cum tota ipsorum potencia Regni Bohemie, ad requisicionem nostram, filiorum, seu heredum nostrorum, sine fraude et dolo personaliter teneantur, et debeant adiuuare. Preterea promittimus fugitiuos et profugos, et generaliter quomodolibet proscriptos, de Regno Bohemie ad regna nostra venientes, nullatenus recolligere, nec per quempiam nostrorum seu ad nos pertinencium recolligi et assumpmi aliqualiter sustinere. Et similiter idem frater noster, Rex Bohemie . filij, et suorum filiorum heredes, proscriptos, profugos, et fugitiuos de Regnis nostris, ad regnum Bohemie transeuntes, per eos, aut per quempiam ad eos spectancium, recolligi, in Regno Bohemie, et suis contiguis pertinencijs nullatenus pacientur ymo denunciacione facta hincinde, per nos Reges, heredes, aut officiales Regnorum vtrorumque, proscriptos huiusmodi, de Regnis nostris, vtrobique excludemus . et excludi omnimode faciemus. Preterea si inter nos, filios nostros, aut heredes eorum ex vna parte, ac dominos Albertum et Otthonem duces Austrie et Stirie . aut eorum heredes ex altera, quocumque tempore, aliquam discordiam seu guerram contingeret suboriri, extunc, ad vnionem pacís et concordie cum ipsis deuenire nolumus sine ipso Rege Bohemie et filijs suis ac heredibus sub virtute prestiti sacramenti, nisi primitus ad hoc dicti fratris nostri Regis Bohemie . filiorum suorum et heredum eorum expressus consensus accesserit et voluntas. Similiter si dictus frater noster Rex Bohemie . filij et heredes eorum de presenti guerra, vel in futuro habenda, cum prefatis ducibus Austrie et Stirie . aut eorum heredibus, ad vnionem concordie deuenire decreuerint, hoc facere non debeant sine nobis, et filijs nostris sub virtute prius prestiti sacramenti . nisi primitus ad hoc noster, filiorum, et heredum nostrorum, consensus expressus accesserit et voluntas. Ceterum, quocienscumque, nos Reges filios nostros et heredes, aut gentes nostras, prestando subsidium, aut modo alio quocumque, conuenire contigerit vel placuerit, semper tuti et illesi esse debeamus, mutuo, penitus et securi. Hec igitur omnia et singula sub virtute prius prestiti sacramenti, pro nobis filijs nostris, et heredibus, et sub pena excommunicacionis papalis perpetuo promittimus presentibus inuiolabiliter obseruare. Ipse eciam frater dominus Rex Bohemie pro se filijs suis, et eorum heredibus, eadem nobis, filijs nostris, et heredibus viceuersa prout in premissis declaratum articulatim extitit, debeat et teneatur sub iuramento, et pena predictis, irrefragabiliter obseruare. In quorum omnium, et singulorum supprascriptorum testimonium, et perpetuam firmitatem, nos dictus Rex Hun- garie, cum dicto Ludouico nato nostro, presentes fecimus scribi litteras. Sigillorum nostrorum pendencium munimine roboratas. Datum in Alto Castro die dominico proximo, ante festum Natiuitatis, beate virginis. Anno domini Millesimo CCC° tricesimo quinto. (Nach einer im k. böhm. Museum befindlichen, dem Orig. des k. k. geheim. Archives zu Wien entnommenen Abschrift — Dobner Monument. IV. S. 297 n. CXXXIX. nach einem Cod. der Nostiz'schen Bibliothek. Ludewig. Ms. Reliq. V. 483.)