228 Predborium Brewnouiensem et.. de Ostrow abbates, ordinis sancti Benedicti, nostre dyocesis parte ex altera vertitur, seu vertuntur, in vos tamquam in arbitros, arbitratores, ordinatores, laudatores, amicabiles compositores compromittimus in hiis scriptis, Dantes vobis plenam et omnimodam potestatem super controuersiis, seu causis inter nos habitis, seu exortis, partibus presentibus seu absentibus vel vna presente, et alia absente die feriato, vel non feriato, stando vel sedendo, arbitrandi, laudandi, ordinandi, seu componendi, prout vobis secundum deum et iusticiam consideratis meritis causarum visum fuerit expedire. Promittentes firmiter, vestris in hoc parere arbitrio et mandatis, Comittimus insuper vestre honestati, vt predictos abbates, recepto ab eis promisso ad parendum mandatis ecclesie, eos si necesse fuerit ab excommunicacionum sentencijs auctoritate nostra absoluere valeatis. Datum in Rudnicz anno domini Millesimo Trecentesimo Quadragesimo primo II. Idus Aprilis. (Das Orig. im Archive der Benedictiner-Abtei Raigern.) 314. Konig Johann und Markgraf Karl befreien die Znaymer Bürger von der Mauthabgabe in Böhmen und Mähren. Dt. Prage, fer. VI. infra octav. Pasce (13. April) 1341. Nos Johannes dei gracia Bohemie Rex ac Comes Lucemburgensis et Karolus eiusdem Primogenitus Marchio Morauie Notum facimus tenore presencium vniuersis. Quod dilectorum fidelium nostrorum Ciuium et Incolarum Ciuitatis nostre Znoymensis grata et fidelia seruicia nobis indefessa promptitudine constanter exhibita grato et benigno recolentes affectu ipsos exinde nostre excellencie brachiis amplexantes ex innata nobis clemencia graciam eisdem facere volumus specialem Attendentes itaque quod ipsi Ciues non solum frequentibus hostium assultibus quam etiam per crudelem ignis voraginem dampna quam plurima sunt perpessi et eorum volentes incomodatibus consulere ac ipsis graciosius prouidere presentis scripti tenore dictos Ciues et incolas ab omnibus Theloneis Maut et Czol wulgariter dictis tam in Regno Boemie quam eciam Marchionatu Morauie in Ciuitatibus et extra Ciuitates quacumque occasione ipsa Thelonia nunc sint vel succedente tempore instituta fuerint duximus in perpetuum eximendos Ita quod ab eisdem Ciuibus nostris et Incolis de ipsorum personis rebus et vniuersis mercibus ex huiusmodi gracia ipsis concessa inantea Thelonia minime exigantur sed ipsi liberi ab eisdem Theloneis quibuscumque esse debeant penitus et exempti, mandamus igitur vniuersis nostris Officialibus Ciuibus et singulis Theloniariis presentibus et futuris nostre gracie sub obtentu quatenus ipsos Ciues nostros et incolas in pretacta nostre libertatis gracia non im- pediant, sed potius auctoritate presentium in eadem manuteneant fideliter et conseruent. Ac quicumque ipsam libertatem nostram ausu temerario infringere et violare quomodolibet pre- sumpserit is indignacionem Regiam et rerum ipsius graue dispendium, sine quouis subter- fugij remedio se nouerit incursurum Harum quibus nostra Sigilla in perpetuum testimonium appendenda duximus testimonio litterarum. Datum Prage feria sexta infra octauas Pasce Anno natiuitatis domini Millesimo Trecentesimo quadragesimo primo. (Das Orig. auf Pergam. mit zwei Sigillen, von denen jedoch eines fehlt, im Archive der k. Sladt Znaym.)