101 in Triennium provinciale Capitulum Abbatum et Priorum Monasteriorum Abbates proprios non habentium, et etiam Priorum Cathedralium ecclesiarum Ordinis seu Religionis ipsius, seu aliorum maiorum in ipsis ecclesiis existentium, post Antistites earumdem apud unum de Monasterijs eiusdem ordinis ad hoc aptum, vel si hoc fieri non posset, apud alium locum ad hoc congruum et securum, de quo Monasterio seu loco et die primi Capituli huiusmodi celebrandi et aliis ad id opportune facientibus providere habent, qui super hoc per sedem apostolicam forent deputati, prout in dictis ordinationibus plenius continetur. Ut hec executioni debite demandentur, vos de quorum circumspectionis industria, plenam in Domino fiduciam obtinemus, ad exequenda premissa et alia infrascripta in Regno Boemie, quod pro una quoad celebrandum nunc et in posterum huiusmodi Provinciale Capitulum voluimus et statuimus reputari Provincia tenore presentium deputantes . Discretioni vestre auctoritate apostolica committimus et districtius iniungimus, ut pro celebrando hac prima vice huiusmodi Capitulo in dicto Regno per nos ut premittitur designato aliquod Monasterium eiusdem Ordinis seu Religionis ad hoc aptum si in ea valeat reperiri. Alioquin locum alium ad hoc congruum et securum, et diem ad id etiam congruam cum continuatione dierum sequentium eligentes. Abbates Priores et alios prenominatos ad huiusmodi Capitulum convocare curetis, Diem et locum predictos eis per vestras litteras nichilominus intimantes per quem in ipso primo instanti Capitulo missa solemniter celebrari, sermoque convenientibus ad dictum Capitulum fieri debeat provide ordinando, eodemque Capitulo congregato faciatis aliquas personas ydoneas per ipsum Capitulum eligi, que dicto primo Capitulo presideant, eaque faciant et adimpleant que iuxta huiusmodi nostras ordinationes, vel alias sunt per presidentes huiusmodi Provin- cialibus Capitulis facienda. Statuta quoque et ordinationes huiusmodi que vobis et dicto Capitulo sub bulla nostra transmittimus, in eodem Capitulo publicelis, ac legi et ascultari integraliter faciatis omnes Abbates, Priores et alios predictos convenientes ad Capitulum memoratum, nec non procuratores absentium monendo, et si necesse fuerit compellendo, ut ipsorum statutorum seu ordinationum copiam sub authentica scriptura recipiant, illa ad ecclesias, monasteria, seu loca ipsorum fideliter delaturi, que etiam in dictis ecclesiis Monasterij atque locis legi faciant et diligentius custodiri et etiam observari. Volumus etiam per dictum primum Capitulum provideri de loco ad hoc accomodo et securo eiusdem Regni, ubi liber ordinationum seu statutorum nostrorum huiusmodi bulla nostra munitus perpetuis futuris temporibus diligenter debeat conservari. Statuta etiam in Provincialibus seu commu- nibus Abbatum et Priorum predictorum dicti Regni Boemie Capitulis olim facta, portari per eos qui illa habuerint ad prefatum primum Capitulum, et ipsa per aliquos ab eodem Capitulo deputandos, examinari cum diligentia faciatis, et que de illis que tamen nostris predictis ordinationibus non obvient, in ipso Regno observari debeant, in sequenti eiusdem Regni Capitulo ordinetur. Deinde ad ecclesias Cathedrales, Monasteria et alia loca Conventualia eiusdem ordinis seu Religionis infra idem Regnum existentia, coniunctim vel divisim per diversas partes prout ad invicem conveneritis personaliter accedentes, de ipsorum nec non membrorum suorum facultatibus, ac quot Monachi esse consueverint in eisdem, quot etiam de dictis facultatibus incumbentibus eis supportatis oneribus commode valeant sustentari,