175 242. Markgraf Karl verspricht den mährischen Baronen, dass er keine andere als die in der Verfassung und den Gewohnheiten des Landes gegründete Steuer verlangen werde. Dt. Brune V. Nonas Julii (3. Juli) 1339. Nos Karolus dei gracia domini Regis Boemie Primogenitus Marchio Morauie, ad vniuersorum noticiam tenore presencium volumus peruenire, quod licet Barones Nobiles et alij Marchionatus nostri Morauie Incole pridem Collectas et Bernas, de ipsorum beniuolencia nobis plene expediuerunt, ipsi tamen considerantes euidentem nostram necessitatem et grauia onera debitorum nostrorum, que propter Qwerarum et discordiarum turbaciones multiplices nostri genitoris atque nostras tam contra Imperatorem, quam contra duces Austrie ac alios Emulos nostros vicinos diuersimode habitas, hucusque notabiliter sustinuimus ad suffocandum debitorum huiusmodi voraginem, ad reparandum et redimendum Marchionatus bona nostra, que per obligaciones per predictum dominum et Genitorem nostrum et nos factas a nobis et Camera alienata sunt et distracta, vt ipsis reparatis el exsolutis Incolis nostri Marchionatus optate quietis, pacis commoda et rectitudinem iusticie eo salubrius procurare possimus, ipsi Barones et Nobiles Marchionatus nostri Collectam generalem, que Berna dicitur de ipsorum bonis ex mera ipsorum beniuolencia et libera voluntate, et non ex aliquo Jure, ad presens nobis dare vnanimiter promiserunt, Ea propter considerato ardoris affectu, quo erga nos in premissis feruidi afficiuntur, volentes insuper grata vicissitudine eorum occurrere voluntati pro- misimus, et sincere promittimus bona fide pro nobis heredibus et successoribus nostris sacrosanctis tactis Ewangelijs corporaliter iurauimus et Juramus, quod de cetero im perpetuum nullo vmquam tempore a prefatis Baronibus et Nobilibus heredibus et successoribus eorum non debeamus aut possimus aliquam Collectam generalem seu Bernam petere, exigere, aut recipere, seu exigi aut recipi per nos alium vel alios quomodolibet promittamus, nisi in casu, quo tam de Jure, quam de approbata hactenus consuetudine merito nobis, aut nostris debetur heredibus, puta si nos permitente domino contingeret in Regem Boemie coronari, uel filiam nostram, si quam in antea habuerimus, et dum hanc in annis maritari contingat, et cum marito nusperit, Tunc deinde post vnius anni spacium ipsam Bernam de quolibet laneo per viginti et Octo grossos pragenses recipiendo dumtaxat ab ipsis Baronibus et Nobilibus ac vniuersis nostri Marchionatus Incolis licite petere, exigere et recipere, poterimus et debemus, et ad firmiorem premissorum omnium certitudinem et securitatem sponte nos obligamus et submittimus ad penam sentencie Excommunicacionis domini pape, quam nos heredes et Successores nostri ipso facto incurrere volumus et ipsa ligari sentencia, si contra premissa nostra vota nostram fidem et Juramentum prestitum vllo vmquam tempore presumeremus aut facere uel venire, In cuius rei testimonium presentes fieri iussimus Sigilli nostri atque domini et Genitoris nostri karissimi munimine roboratis. Nos quoque Johannes Boemie Rex, ac Lucemburgensis Comes Recognoscimus vniuersis, Quod Barones et Nobiles terre et Marchionatus Morauie ad nostrarum et Primogeniti nostri predicti instancias presentem Bernam dare vnanimiter et fideliter promiserunt, ob quod vna cum ipso primogenito nostro ad obseruacionem omnium