381 nec alteri alicui bona eadem tenenti super bonis ipsis in judicio terræe vel alias ubicumque de jure vel de facto ullam movere in perpetuum questionem. Cui quidem ponæ nos ambo de certa nostra scientia et libera submittimus voluntate. In cujus rei testimonium sigilla nostra præsentibus sunt appensa. Actum et datum Pragæ in die beatæ Elizabeth anno domini MCCCXLIII. (Nach einer Abschrift im k. böhm. Museum aus dem Orig. des k. k. geh. Hofarchives zu Wien.) 526. Pabst Clemens VI. beauftragt den Olmützer Probst und die Dechante von Prag und Passau, das Prämonstratenser Kloster am Stráhow gegen dessen Feinde zu schützen, und dahin zu wirken, dass die demselben entrissenen Besitzungen zurückgestellt werden. Dt. Avinione, X. Kalendas Decembris (22. November) 1343. Clemens Episcopus Servus Servorum Dei Dilectis filiis..Preposito Olomucensi et.. Pragensi ac .. Patamensi Decanis ecclesiarum Salutem et Apostolicam Benedictionem. Militanti ecclesie licet immeriti disponente Domino presidemus, circa curam eccle- siarum et Monasteriorum omnium solertiam reddimur indefessa soliciti, ut iuxta debitum pastoralis officii eorum occurramus dispendiis et profectibus divina cooperante clementia salubriter intendamus. Sane dilectorum filiorum..Abbatis et Conventus Monasterii Montissyon ordinis Premonstratensis Pragensis diocesis conquestione percepimus, quod nonnulli Archi- episcopi, Episcopi, aliique ecclesiarum prelati et clerici ac ecclesiastice persone tam religiose quam etiam seculares nec non Duces Marchiones Comites Barones Nobiles Milites et Laici Communia Civitatum Uniuersitates Oppidorum Castrorum Villarum et aliorum locorum ac alie singulares persone Civitatum et diocesium et aliarum partium diversarum occuparunt et occupari fecerunt Castra Villas et alia loca, terras domos possessiones iura et iurisdictiones, nec non fructus census redditus et proventus dicti Monasterii et nonnulla alia bona mobilia et immobilia spiritualia et temporalia ad Abbatem et Conventum predictos spectantia et ea detinent indebite occupata seu ea detinentibus prestant auxilium consilium et favorem. Nonnulli etiam Civitatum diocesium et partium predictarum, qui nomen Domini in vacuum recipere non formidant, eisdem Abbati et Conventui super predictis Castris villis et locis aliis terris domibus possessionibus, iuribus et iurisdictionibus fructibus censibus redditibus et proventibus eorumdem, et quibuscumque aliis bonis mobilibus et immobilibus, spiritualibus et temporalibus, et aliis rebus ad eosdem Abbatem et Conventum spectantibus multiplices iniurias inferunt et iacturas. Quare prefati Abbas et Conventus nobis humiliter supplicarunt ut cum eisdem Abbati et Conventui valde reddatur difficile pro singulis querelis ad apostolicam sedem habere recursum, providere sibi super hoc paterna diligentia curaremus. Nos igitur adversus occupatores detentores pre- sumptores molestatores et iniuriatores huiusmodi illo volentes eisdem Abbati et Conventui remedio subvenire, per quod ipsorum compescatur temeritas et aliis aditus committendi similia precludatur Discretioni vestre per apostolica scripta mandamus quatinus vos vel duo aut unus vestrum per vos vel alium seu alios etiamsi sint extra loca, in quibus deputati estis