439 comissa studiose regere, prudenter dirigere, ac feliciter gubernare. Nuper siquidem Monasterio Lucensi Premonstratensis Ordinis Olomucensis diocesis pro eo vacante, quod nos de per- sona dilecti filii Johannis electi lucemuslbensis tunc dicti Lucensis Monasterii Abbatis licet absentis ecclesie lucemuslbensi, quam tunc Monasterium ordinis et diocesis predictorum, cui tu tunc preeras certis rationibus de fratrum nostrorum consilio, et apostolice potestatis ple- nitudine in ecclesiam Cathedralem ereximus, duximus providendum preficiendo dictum Johannem eidem ecclesie in Episcopum et pastorem. Nos ad provisionem ipsius monasterii Lucensis, de quo nullus preter nos se hac vice intromittere potest pro eo quod nos diu ante provi- sionem huiusmodi omnia Monasteria per provisiones per nos tunc factas, et imposterum faciendas de prelatis eorum ubilibet constitutis quibusvis Cathedralibus ecclesiis et monasteriis tunc vacancia et inantea vacatura, dispositioni nostre specialiter reservantes. Decrevimus extunc irritum et inane si secus super hiis per quoscumque quavis auctoritate scienter vel ignoranter contingeret attemptari, paternis et solicitis studiis intendentes post deliberationem, quam super hoc cum dictis fratribus habuimus diligentem. Demum ad te considerantes grandium virtutum meritis, quibus personam tuam prout fidedignorum relatione didicimus Dominus insignivit, convertimus oculos nostræe mentis, quibus omnibus debita meditatione pensatis de persona tua eidem Monasterio lucensi auctoritate predicta de dictorum fratrum consilio providemus, teque illi preficimus in Abbatem, curam et administrationem ipsius Monasterii Lucensis tibi tam in spiritualibus, quam in temporalibus plenarie committendo. In illo qui dat gratias, et largitur premia confidentes, quod prefatum Monasterium Lucense sub tuo felici regimine, gracia tibi suffragante divina, spiritualiter et temporaliter regetur utiliter et prospere dirigetur. Quocirca discretioni tue per apostolica scripta mandamus, quatinus onus regiminis dicti Monasterii debita devotione suscipiens, sic te in cura ipsius salubriter exercendo exhibeas studiosum, quod per tue laudabilis diligentie studium Mona- sterium ipsum preservetur a noxiis et ad salutaria dirigatur, tuque proinde retributionis eterne premium, ac nostram et eiusdem sedis benedictionem et graciam uberius consequi merearis. Datum Avinione II Kalendas Maii Anno Secundo. (sic.) In eodem modo. Dilectis filiis conventui Monasterii Lucensis Premonstratensis Ordinis Olomucensis diocesis salutem etc. Summi dispositione Rectoris ad regimen universalis ecclesie deputati angimur curis assiduis etc. usque et prospere dirigetur. Quocirca discretioni vestre per apostolica scripta mandamus quatinus eundem Henricum Abbatem pro nostra et apostolice Sedis reverentia benigne recipientes, et honeste tractantes exhibeatis et obedienciam et reverenciam debitam et devotam, eius salubria monita et mandata suscipiendo ilariter et efficaciter adimplendo. Alioquin sententiam, qnam idem Abbas rite tulerit in rebelles ratam habebimus, et faciemus auctore Domino usque ad satisfactionem condignam inviolabiliter observari. Datum ut supra. In eodem modo. Dilecto filio Nobili viro Carolo Marchioni Moravie salutem etc. Gratie divine premium, et preconium humane laudis acquiritur, si per seculares principes prelatis singulis secularibus et regularibus honor debitus impendatur. Nuper siquidem etc. usque et prospere dirigetur. Cum itaque sit virtutis opus Dei ministros benigno favore prosequi, ac