425 eam soli Romane ecclesie de cetero subiacere immediate perpetuo decernentes ipsam Pra- gensem ecclesiam ad Dei laudem et gloriam, exaltationem catholice fidei, eiusdem cultus augmentum et animarum profectum in metropoliticam ereximus, ipsamque honoribus et insigniis sedis metropolitice decoravimus auctoritate predicta, nichilominus statuentes, quod ipsa Pragensis ecclesia pro Metropolitana in perpetuum haberetur, et eius Presul Archi- episcopus etiam censeretur. Et quia dignum erat ex quo dicta Pragensis ecclesia olim filia nunc mater effecta metropolitice dignitatis susceperat insignia, suffraganeos et pro- vinciam decentem haberet, ut ad iudicium Archiepiscopi Pragensis, qui pro tempore foret, omnes causae suffraganeorum Episcoporum et personarum ecclesiasticarum Civitatum et dioc. eiusdem provincie iuxta sacrorum instituta canonum referrentur, Villam Luthomuslensem tunc de Pragensi dioc. existentem, locum itaque nobilem et insignem ad laudem divini nominis et honorem, nec non pro incremento, profectu exaltatione predictis in Civitatem ereximus, ipsamque Civitatis vocabulo insignivimus. Et nichilominus ecclesiam Monasterii huiusmodi nove Civitatis Premonstratensis Ordinis in Cathedralem etiam erigendo eam decrevimus fore perpetuo ipsius nove Civitatis ecclesiam cathedralem, cui certam partem de dictis Olomu- censi et Pragensi dioc. adiacentem eidem et certis finibus distinguendam intendebamus facere assignari. Postmodum vero de persona dilecti filii Johannis Electi Luthomuslensis tunc Abbatis dicti Monasterii Lucensis ordinis et Olomucensis dioc. predictorum de ipsorum fratrum consilio eidem ecclesie luthomuslensi prefecimus in Episcopum et Pastorem, Curam et administrationem ipsius ecclesie in spiritualibus et temporalibus committendo prout in nostris inde confectis litteris plenius continetur. Nos igitur volentes ut eidem ecclesie Lutho- muslensi certa pars de dictis Olomucensi et Pragensi dioc. adiacens eidem ecclesie Lutho- muslensi certis finibus distinguenda iuxta intentionem nostram huiusmodi assignetur, gerentes quoque de vestre probitatis industria fiduciam in Domino specialem, ac sperantes firmiter quod ea que vobis committimus studebitis exequi fideliter et prudenter, discretioni vestre per apostolica scripta committimus et mandamus, quatinus vos vel duo vestrum ad partes illas sublato dilationis obstaculo personaliter accedentes vocatis Archiepiscopo et Episcopo, et Electo predictis, ac Capitulis ipsarum ecclesiarum, et aliis qui fuerint evocandi de pre- dicta certa parte ex dictis Olomucensi et Pragensi dioces. eidem Luthomuslensi ecclesie adiacente certis finibus ut premittitur distinguenda, et eidem ecclesie etiam assignanda, nec non de ecclesiis, dignitatibus, personatibus et officiis et aliis beneficiis ecclesiasticis, que in parte predicta eidem ecclesie Luthomuslensi ut premittitur assignanda consistunt, ac de ipsorum valore, ac de circumstantiis et aliis omnibus et singulis universis que sunt in talibus attendenda, super quibus vestram et vestrum cuiuslibet conscientiam oneramus, omni diligentia et solicitudine adhibitis, que super hiis adhibenda fuerint, nos auctoritate vestra informare curetis, et ea que per informationem huiusmodi repereritis fore utilia et decentia pro assi- gnatione et distintione huiusmodi faciendis, per instrumentum publicum, vel vestras litteras vestris sigillis munitas harum seriem continentia, clare, dilucide et aperte nobis et predicte sedi curetis quantocius fideliter intimare, ut super hiis certa et indubitata informatione suscepta ad predictam partem eidem Ecclesie Luthomuslensi ut premittitur assignandam et etiam 54