156 domini Benedicti diuina prouidencia pape XII. Anno quarto, hora conpletorij, In mei publici Notarij et Testium subscriptorum presencia Constitutus discretus vir, dominus Buscho plebanus de inferiori Bobrauia, Olomucensis diocesis, Sponte non per errorem, non illectus, nec minis aut precibus inductus, cum nunc adesset dominus Petrus decretorum doctor et plebanus in Spanberk, Patauiensis diocesis, Cui causa, que inter fratrem Wachsmundum, Comendatorem Hospitalis sancti Spiritus in antiqua Brunna, ordinis Cruciferorum sancti Johannis, dicte Olomucensis diocesis parte ex vna, et ipsum Buschonem parte ex altera vertebatur, Super quibusdam decimis de villa que Mirzichaw nunccupatur, ymmo super pecunia fertonum quinque, nomine decime et pro ipsa decima, per ipsum Buschonem et Successores suos ab ecclesia in Bobrauia inferiori eidem Commendatori suisque successoribus annis singulis persoluenda, auctoritate Venerabilis in Christo Patris domini Johannis Episcopi Olomucensis audienda commissa fuerat et fine debito decidenda, Publice recognouit, se Commendatori predicto indebite opposuisse, et pecuniam predictam de ecclesia sua supradicta annis singulis pro decima soluere se teneri, et cum ad presens vnde solueret non haberet, misericordiam et non iudicium postulabat, Promittens bona fide a die presenti in antea sub pena priuacionis et perdicionis ipso facto beneficij sui dare et soluere annis singulis in festo sancti Michahelis Comendatori eidem quinque fertones grossorum denariorum Pragensium Pagamenti Morauici, de quibus superius est premissum, aut ipsius cuicumque pro tempore successori, neque promisso de cetero contra facere vel venire. Comendator itaque predictus miseria, et precibus supplicancium admonitus pecuniam sibi debitam relaxauit, et annos duos a festo Beati Michahelis nunc preterito, sibi addidit, vt ipsius Buschonis relaxaret de consilio dominorum pauperiem propter deum pure ac simpliciter, In quorum omnium testimonium premissorum .. missam recognicionem Honorabilium virorum dominorum Petri vicearchidiaconi Brunnensis in Riczans, Nicolai de Hossicz, Conradi ad omnes sanctos, Canonicorum Ecclesie sancti Petri in Brunna, ac discretorum virorum, Hermanni de Straska, Vlrici de superiori Bobrauia Ecclesiarum plebanorum, predicti Wachsmundus Commendator, Buscho plebanus petiuerunt in Robur perpetue firmitatis appensione con . . . . . sunt hec Brune in domo Honorabilis viri Nicolai de Hossicz predicti discretorum virorum magistro Purchardo de . . . plebano Ecclesie in Nigraecclesia ac subscriptis dominis testibus presentibus et alijs pluribus fidedignis. Et ego Michahel Theodrici de Praga, Pragensis diocesis Publicus auctoritate Imperialis Notarius vnacum dictis Testibus premissis omnibus interfui, eaque omnia et singula scripsi et in hanc publicam formam redegi, signoque meo solito signaui Rogatus in testimonium premissorum. (Das Orig. auf Pergament, stark beschadigt, von dessen fünf Sigillen die vier ersten theilweise gebrochen sind, das letzte aber ganz fehlt, im Archive des Klosters Saar, im m. st. Landesarchive Lit. A. Il. n. 80.)