138 189. Markgraf Karl bestätigt die Rechte und Freiheiten der Stadt Hradisch. Dt. Brunne, fer. IV. post Reminiscere (11. Marz) 1338. Nos Karolus Domini Regis Boemie primogenitus, Marchio Morauie ad vniuersorum notitiam tenore presentium volumus peruenire Quod accedentes ad nostram presentiam fideles nostri dilecti ciues ciuitatis nostre in Redysch, exhibuerunt nobis suas litteras et diuersa priuilegia non rasa non cancellata nec in aliqua sui parte vitiata, immunitates, iura et gratias continentia, ipsis a felicis recordationis quondam Regibus Boemie, videlicet Ottakaro et Wen- ceslao factas, datas, traditas et concessas. Et tandem cum augmento gratiarum aliarum per serenissimum Johannem Boemie Regem, Comitemque Lucemburgensem dominum et genitorem nostrum Karissimum benigniter confirmatas, a nobis humiliter suplicarunt, vt easdem gratias, iura et immunitates nostris litteris approbare, ratificare et innouare de innata nobis clementia dignaremur. Nos ipsorum tam iustis, quam rationabilibus supplicationibus fauorabiliter annuentes cupientesque in hoc predictorum principum ac paternis inherere vestigiis, ipsas litteras, priuilegia, immunitates, iura et gratias ipsi ciuitati et ciuibus in ipsa residentibus, tam per dictos principes, quam genitorem nostrum predictum porrectas, approbamus, ratificamus, innouamus et auctoritate presentium confirmamus, volentesque easdem vniuersas et singulas, prout in ipsorum priuilegiis et litteris continentur, plenius, ratas, gratras et firmas perpetuis in antea temporibus inuiolabiliter permanere. Harum nostrarum testimonio litterarum, Datum Brunne Feria quarta post dominicam Reminiscere proxima, anno domini M°CCCOXXXVIII°. (Nach dem Orig. mit einem theilweise beschadigten Sigille im Archive derselben Stadt abgeschrieben A. Boczek.) 190. Markgraf Karl befreiet das Kloster Saar und dessen Güter von der Abgabe der allgemeinen Steuer (Berna). Dt. Brunne, fer. IV. ante dominic. Letare (18. Marz) 1338. Karolus, domini . . . Regis Boemie Primogenitus Marchio Morauie . Omnibus in perpetuum. Et si ad religiones singulas diuinis obsequijs dedicatas, specialis caritatis affeccio nos prouehat, et sincere deuocionis caritas nos accendat. Ad religionem tamen et ordinem beati Bernhardi Confessoris tamquam doctrine Speculi, et honestatis exempli, nos instinctus quidam singularis deuocionis annectit. Eapropter ad vniuersorum noticiam volumus tenore presencium deuenire, Quod Nos domini . . . et Genitoris nostri Carissimi antedicti vestigijs in virtuosis et laudabilibus actibus inherere cupientes, paternos et nostros deuotos sincere dilectos . . Abbatem et Conuentum Monasterij in Sars, Cisterciensis Ordinis, qui nunc sunt et pro tempore fuerint, a solucione generalis Collecte que Berna uulgariter dicitur, quociens illam in Boemia, uel Morauia imponi contigerit, prout dominus et Genitor noster predictus per patentes suas litteras, ad quam de bonis dicti sui Monasterij ad instar aliorum regni- colarum et Morauie Incolarum faciendam essent astricti, infra spacium trium Milliarium,