122 174. Heinrich von Eisgrub entsagt allen Rechten, die er auf den Kaufschilling fur die vom Kloster Maria Saal in Altbrünn erkauften Güter zu Reinbrechtsdorf haben konnte. Dt. Brune, die S. Michaelis Archang. (29. Septemb.) 1337. Nos Henricus de Eysgrube dictus Rauscher, Stephanus natus eiusdem, et Stephanus dictus Sebensteyner ad vniuersorum noticiam tenore presencium volumus peruenire, Quod nos abrenunciamus et abrenunciauimus presentibus simpliciter fideliter et expresse pro nobis, heredibus, seu successoribus nostris, omnibus exnunc et in perpetuum accionibus, inpeticionibus, seu infestacionibus quibuscumque que contra deodeuotas, dominam Katherinam Abbatissam, vel que pro tempore fuerit, et Conuentum Monasterij Aule sancte Marie in antiqua Brunna, ordinis Cysterciensis, nobis pronunc, aut nostris heredibus seu successoribus legittimis conpetunt, vel in antea aliquomodo conpeterunt de iure uel de facto, pro bonis in Reynbrechtsdorf, siue pro illis Septuaginta Marcis grossorum Pragensium, quas pro dictis bonis eisdem dominabus Abbatisse videlicet et Conuentui ementes dedimus, necnon pro vsibus, seu fructibus ante empcionem de bonis predictis actenus per easdem dominas per- ceptis, singulis omnibus et singulariter vniuersis. Promittentes eciam bona fide, ipsis domine Abbatisse, que fuerit pro tempore, et Conuentui Monasterij supradicti, et nomine et vice earum nobilibus dominis, venerabili domino domino Bertoldo de Lypa, preposito Wissegradensi, Regni Boemie Cancellario, et domino Johanni de Clingenberch, necnon strenuo militi, domino Holuboni, dictarum dominarum officiali, bona predicta Reynbrechtisdorf singula et omnia cum suis pertinencijs, secundum commune Jus terre Morauie et consuetudinem ab omnibus amicorum, consanguineorum, et heredum, seu quorumcumque ad ipsa bona supradicta spec- tantibus, inpeticionibus, accionibus, et infestacionibus quibuslibet disbrigare nostris sumptibus et expensis, Quodsi monicione prehabita non fecerimus infra quindenam, extunc per dominam Abbatissam Monasterii supradicti, que fuerit, et eius Conuentum, seu per dominos antedictos, vel alterum eorum, vel per quemcumque, nomine et vice eorum, seu earum, qui presentes habuerit, requisiti, Ciuitatem Brvnnam, more obstagij, verum obstagium prestando intrabimus, abinde non egressuri, donec bona supradicta per nos, seu heredes, vel successores nostros, prout predicitur, fuerint integraliter disbrigata. Sub harum quas nostris Sigillis dedimus robore et testimonio literarum. Actum et Datum Brunne Anno domini Millesimo Trecentesimo Trecesimo septimo, in die sancti Michaelis Archangeli. (Das Orig. auf Pergament mit 3 kleinen wohlerhaltenen Sigillen im Archive desselben Klosters, im m. st. Landesarchive Lit. M. n. 21.) 175. Markgraf Karl bestätiget das dem Welehrader Kloster vom Könige Johann im J. 1315 verliehene Privilegium, dem zu Folge das Kloster und dessen Leute von der Jurisdiction der k. Beamten und Landrichter befreit wurde. Dt. Brune, in die b. Elisabeth (19. Novemb.) 1337. In nomine domini amen. Nos Karolus Domini .. Regis Boemie primogenitus, Marchio Morauie, Vniuersis Christi fidelibus, ad quos presentes peruenerint, Salutem et notitiam