128 suis Juribus, vtilitatibus, proprietatibus et dominio ac generaliter cum suis pertinencijs vniuersis, quocumque censeantur nomine et in quibuscumque rebus consistant iure hereditario ac pro- prietario, prout alia bona sua propria, possidendam perpetuo et habendam, sub oneribus et seruicijs supra expressis. Volentes nichilominus quod eadem villa Wasanicz cum omnibus suis seruicijs a dicto Monasterio per Abbatissam et Conuentum nullis vnquam temporibus alienari debeat. Si autem quod absit ineuitabilis eam alienari faciat et compellat necessitas, extunc alia bona predictis bonis in Wasanicz equivalencia ipsi Monasterio loco illorum statim assignari volumus per Abbatissam et Conuentum, de quibus onus et seruicium prehabita nullis succedentibus temporibus suis effectibus defraudentur. In cuius rei testimonium et robur perpetuum presentes litteras scribi, et nostris cum subscriptorum dominorum, domini Gerhardi de Chunstat, Camerarij Czude Brunnensis, Theodrici de Spran Czudarij, Wznethe de Lomnicz, Pothe de Wyldenberch, Smylonis de Luchtenburch, Jesconis de Furstenberch et Jesconis de Crawar Sigillis, qui ea ad nostram instanciam presentibus appenderunt, fecimus communiri. Datum Brunne Anno domini Millesimo Trecentesimo Tricesimo septimo. IIII. Kalend. Decembris. (Das Orig. auf Pergam. mit XI. kleinen, gut erhaltenen Sigillen, im Archive desselben Klosters, im m. st. Landesarchive Lit. A. n. 55.) 181. Papst Benedict XII. beauftragt die Bischöfe von Olmütz und Posen, dann den Bautzener Dechant, das Kloster Kamenz gegen die Bedrückungen des Herzogs Bolek von Münsterberg in Schutz zu nehmen. Dt. Avinione, XII. Kalendas Januarii (31. December) 1337. Benedictus Episcopus Servus Servorum Dei Venerabilibus fratribus . . Olomucensi et .. Posnaniensi Episcopis, ac dilecto filio . . Decano ecclesie in Budesin Misnensis Dioc. Salutem et Apostolicam Benedictionem. Militanti ecclesie licet immeriti disponente Domino presidentes circa curam ecclesiarum et Monasteriorum omnium solertia reddimur indefessa soliciti, ut iuxta debitum pastoralis officii eorum occurramus dispendiis et profectibus divina cooperante clementia salubriter intendamus . Sane dilectorum filiorum . . Abbatis et Conventus Monasterii de Camentz Cisterciensis ordinis Wratislauiensis Diocesis conquestione percepimus quod licet Monasterium persone ac bona Abbatis et Conventus predictorum deberent plena libertate gaudere, tamen dilectus filius Nobilis Vir Bolco Dux de Munsterberg dicte diocesis sub cuius dominio tem- porali ipsum Monasterium consistere, ac eorum bona temporalia habere dicuntur, contra libertatem ecclesiasticam ad gravamina Monasterii Abbatis et Conventus predictorum intendens Angarias, exactiones, et tallias indebitas, ac etiam importabiles eis imponere, illasque quibusdam militibus et aliis feudalibus suis exigendas et percipiendas in perpetuum hereditario iure conferre, ac nichilominus exactiones, angarias et tallias similes ab eisdem Abbate et Conventu, ac Monasterio, et eorum bonis exigere et recipere nec non familiares, equos, et venatores, canes, et nonnulla alia animalia sua ad predictum Monasterium depascenda et nutrienda ibidem pro ipsius Ducis beneplacito eorumdem Abbatis et Conventus expensis presumpsit