106 iar, in dem Siben vnd Dreysskisten iar, an dem egenannten tag am Ashtag des Ersten Mitichens in der vasten. (Das Orig. auf Pergament mit 8 kleinen gut erhaltenen Sigillen im Archive des Klosters Bruck, im m. st. Landesarchive Lit. H. n. 32.) 155. Konig Johann von Böhmen und sein Sohn Karl, Markgraf von Mähren, nehmen den deutschen Orden in ihren Schutz und versprechen ihm Beistand. Dt. Lesslau an dem Aschetage (5. Marz) 1337. In gotis namen amen, Wand die Erbaren geistliche lewte, der homeister, vnd die Brudere des Ordens des Spitals vnsir frauwen von dem dewtschen huwse von Jerusalem, durch breitunge des cristengloubens vnd merunge gotis dinstis nicht alleyne thun grose vnczeliche kost vnd arbeit kegen die vinde des cruces heiden genand in pflegelichin herferten Sunder ouch vnczegelich eren leyp vssetzen vnd wegen vncz an des blutes ranst vnd des todes Strik, als wir selber haben gesehen vnd irfaren, dorumb wir Johannes von gotis gnaden kunig czu Behemen vnd grafe czu luczemburg, vnd wir Karolus vnsirs vorgenanten herren kunigis erstgeborn Son Marggraue czu Merhern, vff das wir vnsir vorfarn der hog- wirdigen kunige von Behemen pfat nach volgen die sich behulfflich vnd gunstlich den vorgesprochenen Meister Bruderen hant bewieset vnd dem Orden dorumb durch erer vnd vnsir, vnd vnsir nochkomelinge Sele trost vnd heil, vff das die teilhafftig werden erer guten werck, So gelobe wir vor vns vnd vnsir erben vnd aller vnsir nochkomelinge durch keynerley sache wille, danne luterlichin durch got den homeister vnd die Brudere gemeinlichin des dewtschen ordens vorbenant czu beschirmen, vnd nicht dorumb das wir keynis rechtis adir gewaldes vorderunge czu en haben wellen vmb dis beschirmen czu den landen die hirnach genumit sind, vnd in keynen sachen widdir sie czu siene, vnd wellen sie vurdern vnd vortaidingen czu allem erem rechte, vnd ouch besunder czu eres ordens priuilegien, die in gegebin sind obir die heidenisch 1) . . . . . . . . cristen geloubis nicht enhant, vnd was sie czu schaffen haben, kegen allen eren vmsessen, die vmb Colmerland Pomererland pruwsenlund gesessen sind, vnd vmb andir sunderliche land, die an den vorgenanten landen gelegen . . . . . . . betwyngen mogen die vngeloubig sint, vnd ouch sunderlichin sie czu vordern in deme houe czu Rome mit ganczen truwen, were abir das, das der Meister vnd die Brudere vorbenumpt vnsir hulffe adir vnsir erben adir nochkomelinge durfften mit gewopniter hand kegen den die en vnrechte gewald thun welden So sullen sie czu vns senden ere erbaren Bothen, wie die denn obir eyn vmb die hulffe mit vns koment adir mit vnsirn lewten adir nach vns mit vnsirn erben adir nochkomelinge die wir adir vnsir erben adir nochkomelinge dorczu schicken, doran sal vns vnd in gnugen, vff das desse ding gancz vnd vnczubrochlichin blieben, so haben wir dessen briff gegebin beuestent mit 1) ausgerissene Lücke.