134 in ipso jugiter nostra memoria perpetuis temporibus debeat pertinere, harum Testimonio literarum. Datum Idus Februarij Anno domini Millesimo Trecentesimo Octavo decimo, Regnorum vero nostrorum anno octavo. (Nach der Bestätigungsurkunde der K. Maria Theresia vom J. 1747 im Archive desselben Klosters, im m. st. Landesarchive n. 35.) 187. Vertrag zwischen König Karl von Hungarn und Markgraf Karl von Mähren, dem zu Folge das Königreich Polen an den ersteren fallen sollte, wenn der König Kazimir ohne männliche Erben sterben würde; dagegen verspricht der Konig von Hungarn, dass er dem Könige Kazimir oder dessen Erben keine Hilfe gegen die Länder und Vasallen des Koniges von Böhmen oder des Markgrafen von Mahren leisten werde. Dt. in Wisegrad, dominica Invocavit (1. Marz) 1338. Nos Carolus Dei gratia Rex Hungariæ, tenore præsentium, quibus expedit, signifi- camus universis, memoriæ commendamus. Quod cum nos ex novæ parentelæ contractu inter excellentem Principem Dominum Carolum, inclyti Principis, Domini Joannis, Boëmie Regis primogenitum, Marchionem Moraviæ, heredes suos ab una, et nos nostrosque filios parte ex altera, pro Domino Ludovico nostro primogenito, et in ejus persona nunc inito et firmato, exaltationem et augmentum honoris ipsius Domini Caroli Marchionis heredumque suorum, ut nostrum commodum proprium i. e. e converso ipse nostrum, et heredum nostrorum, similiter ut suum proprium, merito reputemus, quia nobis nostrisque heredibus bona et sincera fide promisit, sub virtute ad sancta Dei Evangelia per eum præestiti juramenti, quod si quandoque magnificum Principem Dominum Casimirum Regem Poloniæ absque heredibus masculis decedere contingeret ab hac vita, quod tunc pro suis viribus omnibus et posse nobis Regi Hungariæ nostrisque heredibus suum exhibebit et præstabit auxilium et juvamen, ut nos nostrique heredes ipsum Regnum Poloniæ, ex eo nobis debitum seu debendum suo adjuti subsidio assequamur, ut nostram deveniat in potestatem, ac pleno juri nostro, vel heredum nostrorum regnum sit subjectum. Et quia etiam sub eodem præstito juramento nobis promisit, quod si decessionem prædicti Domini Casimiri absque herede, ante consummationem matrimonii inter Dominum Ludovicum, nostrum primogenitum præefatum, et præcellentem vir- ginem Dominam Margaritam filiam suam de novo firmati fieri contingat, non minus ad præmissa obtinenda suum posse exponet, quibus jam ipsum matrimonium esset consummatum. Nos e converso pro nobis nostrisque filiis et heredibus memoratis, sub virtute per nos sibi præstiti juramenti, similiter promittimus et sincera fide assumimus: quod si præfatus Dominus Casimirus, Rex Poloniæ, heredes aut successores sui, Duces in Polonia residentes, Principes et Vasallos, civitates, castra, homines seu quæcunque jura suo genitori et sibi, ac inclyto Principi Domino Joanni Duci Carinthie, ac frati ejusdem Marchionis, in ipso Regno Poloniæ, quoad ipsos Duces, Principes, et Vasallos, competentia, quibuscunque censeantur nominibus sibi vindicare et attrahere conarentur, ipsos forsitan Duces et Vasallos Regis Bohemiæ et Domini Marchionis, ac fratris sui prædicti seu homines hostiliter invadendo.