45 62. Der Olmützer Bischof Johann bestätiget den zwischen Wilhelm von Landstein und dem Grossmeister des Kreuzherrenordens mit dem Sterne bezüglich der Kapelle in Liderowitz geschlossenen Vergleich. Dt. Pragæ, XII. Kalend. Julii (20. Juni) 1335. Nos Johannes dei et apostolice gracia Episcopus Olomucensis. Ad perpetuam rei memoriam et ad vniuersorum tenore presencium volumus noticiam deuenire. Quod constituti in nostra presencia, Nobilis vir dominus Wilhelmus de Lantstein, et religiosus vir frater Vlricus summus Magister ordinis Cruciferorum cum Stella, domus hospitalis sancti Francisci in pede Pontis Prage, super contrauersia, que inter eos, super capella in Ludherzowicz iam aliquandiu ventilata extitit, rite et racionabiliter, prout in literis eorum desuper confectis plenius continetur, totaliter concordarunt. Supplicantes nobis humiliter et deuote, vt huiusmodi concordie nostrum beniuolum dignaremur adhibere consensum. Nos vero, qui ex officii nostri debito lites sopire, et commoditatibus ecclesiarum inuigilare tenemur, ipsorum precibus, vtpote racionabilibus fauorabiliter annuentes, prefatam concordiam ratam habentes et gratam, ipsam de nostra vera et certa sciencia, presentis scripti patrocinio confirmamus. Declarantes nichilominus, quod perpetuus vicarius, qui nunc est, et qui pro tempore fuerit, hominibus ville eiusdem in Ludherzowicz, sine plebani de Teczicz speciali licencia et assensu, nulla penitus ministrare presumat ecclesiastica sacramenta. Post obitum quoque perpetui vicarij, qui nunc est, dicta Capella in Ludherzowicz, tamquam, filialis ecclesia ad disposicionem rectoris ecclesie in Teczicz cum omnibus emolimentis et obuencionibus pleno iure deuoluetur, et perpetuo permanebit. In quorum omnium testimonium et perpetuam firmitatem presentes literas fieri et sigillorum nostrorum fecimus appensione muniri. Actum et datum Prage, Anno domini Millesimo, Trecentesimo, Tricesimo quinto, XII. Kalendas Julij. (Das Orig. auf Pergament mit einem wohlerhaltenen Doppelsigille in dem Archive der Probstei am Pöltenberge.) 63. Markgraf Karl von Mähren bestätiget den vom Könige Wenzel im J. 1284 dem Schulrektor und den Vikären der Olmützer Kirche ertheilten Begnadigungsbrief und befreiet ihre Besitzungen von allen Landsteuern. Dt. Pragæ, die bb. Johannis et Pauli (26. Juni) 1335. Karolus domini .. Regis Boemie primogenitus, Marchio Morauie, deuotis nostris dilectis, Magistro scolarum, ac vniuersis et singulis vicarijs Ecclesie Olomucensis, Salutem et laudes deo iugiter decantare. Oblata nobis pro parte uestra humilis peticio continebat, quod, cum olim per diue memorie Wenczeslaum, Regem Boemie, Marchionem Morauie pro- genitorem nostrum felicissimum, possessiones et terrarum predia vestrarum ac homines, incole earum, ab omnibus collectis et exaccionibus, tam generalibus, quam specialibus libertati sint, immunes et exempti, prout hoc in transcripto literarum suarum infrainsertarum liquet clarius, dignaremur eandem graciam, vobis factam, graciosius confirmare. Nos itaque