242 Sicilie sicut primogeniture Jus optinens clare memorie Stephani Regis Vngarie patris sui in eodem Regno propinquior est suc- cessor et heres quondam Latislao regi Vngarie fiatri suo ex utroque parente per quod opitulatur eidem communis Juris presumptio que tali causa probandi onus in aduersarium iuste transfert, quia etiam quondam Carolus ipsius Regine primoge- nitus dicti Caroli genitor habitus est communiter et pre- cipue per Romanam Ecclesiam pro Vngarie Rege dum vixit; nec ex parte dictorum Bohemie Regis et filii de iure compe- tente ipsis in Vngarie Regno predicto allegatum est aliquid vel assertum, nisi sola electio que de ipso filio Regis facta pro- ponitur, que procul dubio diuersis ex causis prout rationum prima facies indicat minus legitima ymmo prorsus inutilis esse videtur, eo maxime quod sicut scripti canonis series aperit Regnum ipsum Vngarie successionis iure prouenit electionis arbitrio non defertur. Rationibus premissis et causis aliisque motiuis plurimis que relligionem debent Judicantis instruere in trutina recte deliberationis appensis expedientia commixta licen- tie ac benigna humanitate seruata de plenitudine potestatis in apertam contumaciam eorumdem Bohemie Regis et filii in pre- sentia prelatorum plurium Capellanorum familiarium nostrorum et aliorum in consistorio vocatorum, presentibus eorumdem Bohemie Regis et filii nunciis ac excusatoribus suprascriptis, de fratrum nostrorum Consilio decrevimus diffiniuimus de- clarauimus voluimus, quod predicta Maria in toto ipso Regno Vngarie et pertinentiis suis omnibus ac ubique Terrarum Re- gina Vngarie et dictus Carolus nepos Rex nuncupentur apertis labiis scriptionibusque vulgatis et in documentis publicis titu- lentur, quodque prelati clerici cuiuscunque dignitatis status aut conditionis fuerint et religiosi alii cuiuscunque sint ordinis nec non Comites siue Bani Barones milites ciues Incole, cuiuscunque preeminentie dignitatis aut conditionis existant iam dicti Regni Vngarie omnium Jurium ac pertinentiarum eius et aliarum Regionum annexarum sibi, etiamsi Regnorum titulum habeant, dictis Regine Vngarie et regi nepoti tamquam eiusdem regni Vngarie Regine et regi legitimis parere et in- tendere, ac de fructibus redditibus seruiciis Juribus et ob- uentionibus aliis consuetis et regi Vngarie debitis deuote re-