238 ergo omnino hominum liceat hanc nostre paginam confirmationis et pro- tectionis infringere, vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli, apostolorum eius, se nouerit incursurum. Datum Viterbii VI. Idus Junii. E copia in archivo ejusdem monasterii, quod intextum archivo Gradicensi in registratura c. r. Gubernii Moravici asservatur. CCLVIII. Eugenius papa III. intercedit apud Heinricum, Moraviensem episcopum, pro fratribus, qui e monasterio in monte Strahow sine licentia discesse- runt. Dt. Viterbii XI. Kal. Decembris, 1145. Eugenius episcopus, seruus seruorum dei, venerabili fratri Heinrico, Morauiensi episcopo, salutem et apostolicam benedictionem. Latores pre- sentium ad nos venientes significarunt nobis, quod a quibusdam fratribus seducti a religioso loco, qui dicitur Montis Syon, a tua deuotione funda- to, absque tua, abbatis quoque et fratrum suorum licentia discesserunt. Tandem vero ad locum ipsum redeuntes fratres ipsi eos recipere noluerunt. Quia igitur dignum est, ut sicut debita nostra cupimus a domino relaxari, ita fratribus nostris etiam in nos delinquentibus misericorditer condonemus, per apostolica scripta dilectioni vestre rogando mandamus, quatenus pro amore dei et nostro, si fratribus ipsis tolerabiles sunt, intuitu caritatis et misericordie eos in eodem loco recipi facias. Dt. Viterbi XI. Kal. Decembris. E codicibus Mss. Olomucensi et Litoviensi saepius citatis. CCLIX. Eugenius papa III. remitlit et commendat Conrado, Romanorum regi, Heinricum, Moraviensem episcopum. Dt. Viterbii II. Kal. Januarii, 1145. Eugenius episcopus, seruus seruorum dei, karissimo in Christo filic, Conrado, illustri Romanorum regi, salutem et apostolicam benedictionem.