541 Сaр. I. De actibus regis Przemysl. Post obitum regis Wenceslai filius suus Przemysl ei successit in regno Boemiae potens et strenuus, quia ab adolescentiae suae tempore viriliter egit et generositatem mentis regiae virtuosorum operum magnificentia undique decoravit et ipse regnum suum sapienter cupiens gubernare, fuit reipublicae sedulus instaurator. Leges condidit et populum suum iustitiae regulis illustravit, se ipsum exemplum vivendi ceteris constituens et exemplar. Et regni sui incolis de pace satagens providere, urbes coepit cingere muris, castra munire et baronum suorum liberos iussit tyrocinia exercere, et hostes qualiter deberent expugnare et ceteros actus exercere militares.1 Temporibus quoque ipsius ecclesiae Christi et monasteria in regno profecerunt, et terra fructum suum faciente, in pace deo iugiter servierunt. Et ipse ecclesias fun- davit, eas sufficienter dotando et ab adversitatibus protegendo. Cum maiori quoque diligentia monasterium, quod vocatur ad sanctam Coronam ordinis Cisterciensis, quod ipse fundaverat, sufficienter ditavit, diversimode decorando.2 Et idem rex Przemysl Margaretham sororem Friderici ducis Austriae in matrimonio duxit et fratre suo defuncto eidem ducatum Austriae cessit.3 Ulricus quoque dux Karinthiae heredes post mortem non habuit successuros et praedictum regem adiit, et percepta pecunia Karinthiam, Karniolam, Mar- chiam et Portum Naonis post obitum suum sibi iure perpetuo resignavit. Nobiles igitur earundem terrarum confluunt ad regem et ei oboedire fideliter praestito iuramento promittunt. Unde Veronenses, Trevisini cum aliis oppidis mari adiacentibus ipsum pro defensore fideliter elegerunt et sic quasi pal- mites suos usque ad mare extendit et dilatavit et diversos inimicos suos tunc temporis devicit potenter, utiliter triumphum obtinendo.4 Et quia prae- dicta Margaretha sterilis fuit, et ipsa opprobrium sterilitatis regi ascripsit, asserens ipsum propter hoc sterilem, quia natus in die sancti Petri fuisset, rex vero ait: Da mihi unam de virginibus tuis et infra annum ex ea puerum generabo, cui regina praebuit assensum. Rex vero inter ceteras virgines fami- liares unam elegit, quae habebat tonsuram virilem et ideo Pal- czierzik vulgariter vocabatur, et generavit ex ea primo anno filium nomine Nicolaum et postea filias plures, qui quidem filius aetate adveniente dux Oppaviae fuit factus. Unde ex dispensatione sedis apostolicae celebratoque divortio licet cum magno moerore nomine Chun- gundam regis de Mazovia filiam coniugem duxit, cum qua heredes felices generavit.5 Et inter ceteras virtutes, quas rex Przemysl continebat, virtus largitatis in ipso excellentius fulgebat, nam omnes 1 Aus lib. I. Cap. II. d. K. G. oben pag. 40. 2 Ib. Cap. III. 3 Ib. Cap. IV., doch unrichtig entlehnt. 4 Ib. 5 Ib. Cap. V.